ევროსტანდარტის შესაბამისი, ნაგავშემკრები კონტეინერი დამზადებული უნდა იყოს გალვანიზირებული [ცხლად მოთუთიებული] ფოლადისგან; კონტეინერები უნდა იყოს დანომრილი მიყოლებითი ნომერაციით და უნდა იყოს წარწერით „ხულოს მუნიციპალიტეტი“, 5–6 სანტიმეტრიანი ასოებით; კონტეინერი უპრობლემოდ უნდა იცლებოდეს სტანდარტული ნაგავმზიდების მეშვეობით – ამ და სხვა პირობებით გამოაცხადა 80 სანაგვე კონტეინერის შესყიდვაზე ტენდერი ხულოს მუნიციპალიტეტმა.
საწყისი სატენდერო ღირებულებაა 65 ათასი ლარი. გამარჯვებულმა მუნიციპალიტეტს კონტეინერები ხელშეკრულების გაფორმებიდან 70 დღეში უნდა მიაწოდოს. ტენდერი 30 ნოემბერს დასრულდება.