თავდაცვის სამინისტროს ახალი მედალი – „გიორგი ანწუხელიძე“

თავდაცვის სამინისტროს ახალი უწყებრივი მედლით – „გიორგი ანწუხელიძე“,  დაჯილდოვდებიან საქართველოს თავდაცვის სამინისტროს სისტემის უმცროს, უფროს და მთავარ სერჟანტთა შემადგენლობის სამხედრო მოსამსახურეები და სახელმწიფო სპეციალური წოდების მქონე პირები, მშვიდობიანობისა და ომიანობის დროს:

  • საბრძოლო დავალების შესრულებისას გამოჩენილი ინდივიდუალური მამაცობისათვის;
  • სწავლებების მართვის ან დაგეგმარების დროს გამოჩენილი მაღალი პროფესიონალიზმისა და ნაყოფიერი მონაწილეობისათვის.

საქართველოს თავდაცვის მინისტრის, ლევან იზორიას შესაბამისი ბრძანება თავდაცვის სამინისტროს უწყებრივი მედლების, მედლებით დაჯილდოების წესისა და მედლების აღწერილობის დამტკიცების შესახებ, მიმდინარე წლის 26 ოქტომბრიდან ამოქმედდა.

საქართველოს თავდაცვის სამინისტროს უწყებრივი მედლებია:

  • ,,საქართველოს თავდაცვის სამინისტროს სისტემაში უმწიკვლო სამსახურისათვის“ (III ხარისხი);
  •  ,,საქართველოს თავდაცვის სამინისტროს სისტემაში უმწიკვლო სამსახურისათვის“ (II ხარისხი);
  •  ,,საქართველოს თავდაცვის სამინისტროს სისტემაში უმწიკვლო სამსახურისათვის“ (I ხარისხი);
  •  ,,სამშობლოსათვის თავდადებული“;
  • ,,ქაქუცა ჩოლოყაშვილი“;
  • ,,საბრძოლო იარისათვის“;
  • ,,გენერალი კვინიტაძე“;
  • ,,სიცოცხლის გადარჩენისათვის“;
  • ,,სამშვიდობო ოპერაციებში მონაწილეობისათვის“;
  • ,,გენერალი მაზნიაშვილი“;
  • ,,სტიქიასთან ბრძოლაში მამაცობისათვის”;
  • ,,დიდგორის ჯვარი“;
  • ,,გიორგი ანწუხელიძე“.

კაპრალი გიორგი ანწუხელიძე აგვისტოს ომის დროს ტყვედ ჩავარდნის შემდეგ მოკლეს. მას პრეზიდენტმა ეროვნული გმირის წოდება მიანიჭა.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com