მთავარი,სიახლეები

ანიმაციური ფილმების მე-8 საერთაშორისო ფესტივალი „თოფუზი“ დაიწყო

10.10.2016 • 2086
ანიმაციური ფილმების მე-8 საერთაშორისო ფესტივალი „თოფუზი“ დაიწყო

დღეს 10 ოქტომბერს, ანიმაციური ფილმების მე-8 საერთაშორისო ფესტივალი „თოფუზი“ დაიწყო.  ფესტივალის ფარგლებში დღეს, ხულოს მუნიციპალიტეტში მასტერკლასები გაიმართა.

საკონკურსო და საინფორმაციო პროგრამებში ნაჩვენები იქნება 33 ქვეყნის 130 ფილმი.  ფესტივალზე წარმოდგენილი იქნება სხვადასხვა კატეგორიის ანიმაციური ფილმები:

ფილმი უფროსებისთვის,  საბავშვო ფილმი, ბავშვების მიერ შექმნილი ფილმი, ექსპერიმენტული ფილმი,  ტელესერიალი, დებიუტი, სტუდენტურიფილმი, ფესტივალ „ექო თოფუზის“ ფარგლებში შექმნილი ანიმაციური ფილმი.

ფილმების ჩვენება გაიმართება ბათუმის თოჯინების სახელმწიფო თეატრსა და ხელოვნების უნივერსიტეტში,ხულოს დრამატულ თეატრში, ხელვაჩაურის და ქობულეთის კულტურის სახლებში.

ფესტივალის გამარჯვებულებს გამოავლენს საერთაშორისო  და  საბავშვო ჟიური, რომლის შედეგებიც გამოცხადდება ფესტივალის დასკვნით ღონისძიებაზე.

გარდა საკონკურსო ფილმების ჩვენებებისა, ფესტივალის სტუმრებს საშუალება ექნებათ მონაწილეობა მიიღონ მრავალფეროვან საგანმანათლებლო პროგრამებში.

13-14-15 ოქტომბერს, თოჯინების სახელმწიფო თეატრში გაიმართება ვორქშოფები – „ანიმაცია – ურთიერთობის მხატვრული ფორმა“;

13-14 ოქტომბერი, სასტუმრო პლაზაში  – მასტერკლასები – „შეხვედრა ავტორებთან“;

14 ოქტომბერი სასტუმრო „ჰილტონი ” – თოქ-შოუ „წარმოება ანიმაციურ კინოში“;

14 ოქტომბერი, სასტუმრო „ ჰილტონი“ -სემინარი „ქართული ანიამციის პერსპექტივები“;

15 ოქტომბერი, სასტუმრო „პლაზა“ –    ფილმების პროექტების პრეზენტაცია (Pitch).

მე–8 საერთაშორისო ფესტივალი „თოფუზი“ „ანიმაციის განვითარების ფონდის“, კულტურული ცენტრ„პერსონაჟის“ ორგანიზებითა და   აჭარის განათლების, კულტურისა და სპორტისსამინისტროს ფინანსური მხარდაჭერით ხორციელდება.

გადაბეჭდვის წესი


ასევე: