მთავარი,სიახლეები

2016 წლის ინვესტიციების მოცულობა აჭარაში

29.08.2016 • 1466
2016 წლის ინვესტიციების მოცულობა აჭარაში

აჭარის ფინანსთა და ეკონომიკის მინისტრის რამაზ ბოლქვაძის ინფორმაციით, 2016 წელს, ინვესტიციების მოცულობა გაზრდილია. ინვესტიციების შესახებ პრეზენტაცია მინისტრმა დღეს, 29 აგვისტოს სასტუმრო „რედისონ ბლუში“ გააკეთა.

მინისტრის განცხადებით, აჭარაში განხორციელებული ინვესტიციების ოდენობა 208 მილიონ ამერიკულ დოლარს შეადგენს, აქედან 154 მილიონი დოლარი უცხოურ ინვესტიციებზე მოდის, 54 მილიონი დოლარი კი ადგილობრივ ინვესტიციებზე.

„ინვესტიციების დინამიკა არის მზარდი წლების მიხედვით, თუ  გასული წლის ამ დროის მონაცემებს შევადარებთ, გვაქვს 150 პროცენტიანი ზრდა.

ჩვენთვის ასევე მნიშვნელოვანია რომ ბათუმი გახდეს ოთხივე სეზონისთვის საინტერესო და ამისთვის სამედიცინო ტურიზმის განვითარებასაც ვგეგმავთ. ჯერ-ჯერობით მოლაპარაკებები მიმდინარეობს ინვესტორებთან და შედეგები ორ კვირაში  გახდება ცნობილი“- განაცხადა მინისტრმა.

 

აჭარის ფინანსთა და ეკონომიკის მინისტრის რამაზ ბოლვაძის განცხადებით, 2016 წელს ინვესტიციების მოცულობა წინა წელთან შედარებით 26 პროცენტით არის გაზრდილი. ფოტო: „ბათუმელები“

აჭარის ფინანსთა და ეკონომიკის მინისტრის რამაზ ბოლვაძის განცხადებით, 2016 წელს ინვესტიციების მოცულობა წინა წელთან შედარებით 26 პროცენტით არის გაზრდილი.
ფოტო: „ბათუმელები“

 

მინისტრის თქმით, 2016 წელს 6 საინვესტიციო პროექტი დაიწყო, რომელსაც საძირკველი მალე ჩაეყრება.

„მთლიანობაში 152 მილიონი დოლარის ინვესტიციაზეა საუბარი, ეს ინვესტიციები ხორციელდება ახალი ბულვარის ტერიტორიაზე. ამ ინვესტიციების განხორციელებით 2 600 ადამიანი დასაქმდება,  ინვესტიციების შედეგი 2020 წლამდე აისახება რეგიონზე. პირველი კვარტლის მონაცემებით, ბოლო პერიოდში განხორციელებული ინვესტიციების შედეგად  55 ათასი ადამიანია დასაქმებული.

მინისტრის თქმით, უცხოელებიდან, ძირითადად, სამეზობლო ქვეყნები – თურქეთი, უკრაინა, ყაზახეთი ინტერესდებიან.

გადაბეჭდვის წესი


ასევე: