აჭარის უმაღლეს საარჩევნო კომისიაში (უსკო) პოლიტიკური პარტიების რეგისტრაციის ვადა დაახლოებით 1 საათის წინ ამოიწურა. უსკოს თავმჯდომარის პარმენ ჯალაღონიას ინფორმაციით საარჩევნო ადმინისტრაციას აჭარის ავტონომიური რესპუბლიკის უმაღლესი საბჭოს 2016 წლის 8 ოქტომბრის არჩევნებში მონაწილეობის მიზნით რეგისტრაციისთვის სულ 28 პოლიტიკურმა პარტიამ მიმართა. საარჩევნო ადმინისტრაციაში შევიდა ორი ისეთი პოლიტიკური პარტიის განცხადებაც, რომელიც არ არის რეგისტრირებული ცენტრალურ საარჩევნო კომისიაში, შესაბამისად მათ 19 აგვისტომდე უსკოში 3000 მხარდამჭერის ხელმოწერა უნდა წარადგინონ.
პარმენ ჯალაღონიას განმარტებით, ეს უპრენცენდენტოდ მაღალი მაჩვენებელია უსკოს არჩევნებში მონაწილე პარტიების რაოდენობისა. 2012 წელს უსკოს არჩევნებში 7 პარტია იყო რეგისტრირებული, 2008 წელს – 6 პარტია, 2004 წელს კი – 10 პარტია.
უსკოში რეგისტრირებული პარტიები:
- “ერთიანი ნაციონალური მოძრაობა”
- “საქართველოს ლეიბორისტული პარტია” [შალვა ნათელაშვილი]
- “ცენტრისტები” [ბედუკაძე-ხაჩიშვილი]
- პარტია “საქართველო”
- “მემარცხენე ალიანსი” [კახა ძაგანია, სოსო შატბერაშვილი, პაატა ჯიბლაძე, არჩილ ბენიძე]
- “საქართველოს რესპუბლიკური პარტია” [დავით უსუფაშვილი]
- “მოძრაობა სახელმწიფო ხალხისთვის” [პაატა ბურჭულაძე]
- “საქართველოს პატრიოტთა ალიანსი” [დავით თარხან-მოურავი, ირმა ინაშვილი]
- “ჩვენი სამშობლო”
- “ეროვნული ფორუმი”
- “სახალხო პარტია”
- “ახალი პოლიტიკური ცენტრი – გირჩი”
- სახალხო ხელისუფლება”
- თავისუფალი დემოკრატები” [ირაკლი ალასანია]
- “სამოქალაქო პლატფორმა- ახალი საქართველო” [გიორგი ვაშაძე]
- “მამული, ენა, სარწმუნოება” სახელწოდებით “თამაზ მეჭიაური ერთიანი საქართველოსთვის”
- “ქართული ოცნება – დემოკრატიული საქართველო”
- ” ახალი მემარჯვენეები”
- “საქართველოს ერთიანი კომუნისტური პარტია
- “ნეიტრალური საქართველო” სახელწოდებით “კვარაცხელია – სოციალისტები”
პარტიები, რომელლებიც რეგისტრაციის პროცესშია:
ამავე თემაზე: უსკოში პარტიების რეგისტრაცია ერთ საათში დასრულდება
