მთავარი,სიახლეები

ბათუმის საკრებულოს პარკინგის ტარიფის დადგენის საკითხის ხელმეორედ გადახედვა მოუწევს

30.05.2012 • 1724
ბათუმის საკრებულოს პარკინგის ტარიფის დადგენის საკითხის ხელმეორედ გადახედვა მოუწევს

ავტორი: ნათია ზოიძე

ხვალ ბათუმის მერიას უკვე მეორედ გამოაქვს საკითხი, რომელიც ავტომანქანის სპეციალურ სადგომზე გადაყვანის, ტრანსპორტირებისა და შენახვის საფასურის დადგენას ეხება. საკრებულომ პირველად ეს საკითხი 2 ნოემბერს განიხილა და თვითმართველობის არსებობის ისტორიაში პირველად მერიის მოთხოვნას ოპოზიციის წარმომადგენლებთან ერთად მხარი უმრავლესობის 6 წარმომადგენელმა არ დაუჭირა.

ბათუმის მერიის ადმინისტრაციის უფროსის, გელა მახარაძის წინადადებას მხარი არ დაუჭირეს უმრავლესობის წარმომადგენლებმა: გოდერძი ტოტოჩავამ, გია კავაზაშვილმა, გია დიასამიძემ, მანანა ილურიძემ, ნუკრი დოლიძემ და ნოდარ დუმბაძემ.

წარმოდგენილი პროექტით, დაცულ სადგომზე მანქანის გადაყვანის საფასური 60 ლარი იქნება. თუ ავტომანქანის პატრონი მანქანას ღამით არ დატოვებს, კიდევ 10 ლარი უნდა გადაიხადოს, ხოლო თუ მანქანას ღამითაც დატოვებს, მაშინ 20 ლარი უნდა დაამატოს. 2 ნოემბერს საკრებულომ ეს ტარიფები გაანახევრა. საკრებულოს ხდომაზე ეს ინიციატივა მაშინ უმრავლესობის წარმომადგენლმა, გიორგი დიასამიძემ დააყენა. ოპოზიციამ ამ გადაწყვეტილებას ისტორიული და უპრეცედენტო უწოდა.
ბათუმის საკრებულოს წევრი „ქრისტიან დემოკრატებიდან„ ვაჟა ვერულიძე ამბობს რომ დღეს 5 საათზე გაიმართება საკრებულოს ბიუროს სხდომა. ვერულიძის თქმით, პარკინგის გადასახადის საკითხი ისევ არის ბიუროს დღის წესრიგში.

გაზეთ „ბათუმელებთან“ საკრებულოს რესპუბლიკელმა წევრმა, ირკლი ჩავლეიშვილმა 2 ნოემბრის სხდომასთან დაკავშირებით ასეთი შინაარსიის კომენტარი გაგაკეთა: „გასული მოწვევის საკრებულოს ქონდა მცდელობა ჩემი კანდიდტურითვის დაეჭირათ მხარი მიწის კომისიაში და დამიჭირეს კიდეც, თუმცა 5 წუთში მაშინდელმა თავმჯდომარემ ხელმეორედ გაიტანა და ვინც მიჭერდა მხარს, ხელი წინააღმდეგ აწია, კარგი იქნება თუ ხვალინდელ სხდომაზე იგივე არ განმეორდება“.

5 წუთის ნაცვლად ამჯერად ბათუმის მერიამ საკრებულოსთვის საკითხის დასაბრუნებლად 13 დღე იფიქრა. ამ დროისთვის გაზეთ «ბათუმელებმა“ გელა მახარაძესთან დაკავშირება ვერ მოახერხა. შესაბამისად, უპასუხოდ რჩება კითხვა: რატომ გამოდის ხელმეორედ პარკინგის საკითხი კენჭისყრაზე?

გადაბეჭდვის წესი


ასევე: