„ანაგის ფოტოკონკურსი’’ დღეს „ანბანის კოშკში“ საზეიმოდ დაიხურება [ანონსი]

დღეს, 24 ივლისს, „ანაგის ფოტოკონკურსი’’ საზეიმოდ დაიხურება. ცერემონია ბათუმში, „ანბანის კოშკში“ 18:00 საათზე დაიწყება.

➤ საღამოზე მოეწყობა  ფოტოების  გამოფენა – გაყიდვა;

➤  იქნება კარგი ბათუმური ყავა, ღვინო და ცოცხალი მუსიკა;

➤  მოწვეული სტუმრებისთვის უფასო ტური ანბანის კოშკის საინფორმაციო ტურისტულ ზონაში.

➤ კოსტიუმირებული რეტრო ფოტოსესია, ბათუმის პანორამული ხედების ფონზე.

„ანაგის ფოტოკონკურსში“ გამარჯვებული ფოტოები

ფოტოკონკურსი სამი თვის განმავლობაში გრძელდებოდა და როგორც ორგანიზატორები აცხადებენ, სულ 384 განაცხადი შევიდა. გამოვლენილია 24 გამარჯვებული. აქედან 3 გამარჯვებულს დაუფინანსდება 1000 ლარით სწავლის ღირებულება ან/და გადაეცემა 1000 ლარი. ერთი გამარჯვებული საჩუქრად მიიღებს საგზურს,  ერთ-ერთ ყველაზე ძველ არქიტექტურულ ქალაქ რომში  და 20  facebook like-ბით გამოვლენილი გამარჯვებული საჩუქრად მიიღებს ფასიან საჩუქრებს.

ფოტოკონკურსის მიზანი იყო საზოგადოების მხრიდან შემდეგ აქტუალურ თემებზე ყურადღების გამახვილება:

➤  ქალაქების განვითარების პოლიტიკა;

➤  საქართველოს ევროპული პერსპექტივა;

➤  თანამედროვე არქიტექტურა და კულტურული მემკვიდრეობა.

კონკურსის ორგანიზატორები არიან ,,გაზეთ ბათუმელების” და ნეტგაზეთის მარკეტინგის სამსახური.

მზადება „ანაგის ფოტოკონკურსის“ დახურვის ცერემონიისთვის „ანბანის კოშკში“ / 24.07.2016