სიახლეები

შს მინისტრი აჭარაშია

09.07.2016 • 1537
შს მინისტრი აჭარაშია

საქართველოს შინაგან საქმეთა მინისტრი გიორგი მღებრიშვილი აჭარაში იმყოფება. რეგიონის მთავრობის ინფორმაციით, დაგეგმილია მინისტრის ჩასვლა სტიქიის ზონაში.

8 ივლისს ძლიერი წვიმის გამო ბათუმსა და აჭარის ყველა მუნიციპალიტეტში წყალმოვარდნები და მეწყერი განვითარდა. ნალექის გამო რამდენიმე საათის განმავლობაში პარალიზებული იყო მოძრაობა ბათუმი-ქობულეთის საავტომობილო გზაზე. ჩაქვი-მახინჯაურის გვირაბთან მეწყერი ჩამოწვა.

აჭარის მთავრობის ინფორმაციით, „ხელვაჩაურსა და ქობულეთში სტიქიით მიყენებული ზარალი შედარებით მცირეა. ყველაზე ძლიერი მეწყრული და სტიქიური პროცესები ხულოს, შუახევისა და ქედის მუნიციპალიტეტებში დაფიქსირდა. ადიდებულმა მდინარემ წაიღო ცხემვანას ხიდი ხულოში, ასევე დროებით აღდგენილი ხიდი შუახევის მუნიციპალიტეტის სოფელ უჩამბაში. უჩამბის ხიდის მიღმა მცხოვრები 320 ოჯახი დროებით ალტერნატიული გზით ისარგებლებს. მნიშვნელოვნად დაზიანდა შიდასასოფლო გზები ხულოსა და შუახევის მუნიციპალიტეტში. ხელმეორედ გააქტიურებული მეწყრული შემთხვევებით მიყენებულ ზარალს სპეციალური კომისიები ითვლიან. ქედის მუნიციპალიტეტში სოფელ ჯალაბაშვილებში ტარიელ მანველიძის საცხოვრებელ სახლთან განვითარდა მეწყერი, რომელმაც საავტომობილო გზა ჩაკეტა.“

შსს მინისტრი და აჭარის მთავრობის წევრები დღეს შუახევის მუნიციპალიტეტში ჩავლენ. მინისტრის აჭარაში ვიზიტსა და დაგეგმილი ღონისძიებების შესახებ სამინისტრო ინფორმაციას მოგვიანებით გაავრცელებს.

ამავე თემაზე:

სოფელ უჩამბაში რამდენიმე ოჯახი ევაკუირებულია

ბათუმი-ქობულეთის გზაზე გვირაბთან მოძრაობა აღდგენილია

ქედის რამდენიმე სოფელში მეწყერი განვითარდა

დატბორილი ქუჩები ბათუმში [ფოტო]

 

გადაბეჭდვის წესი


ასევე: