საპროტესტო აქციის მონაწილის დაკავება დაადასტურა შინაგან საქმეთა სამინისტრომ. “იასონ პაქსაძე დაკავებულია ადმინისტრაციული წესით პოლიციისთვის წინააღმდეგობის გაწევისთვის” – უთხრეს “ბათუმელებს” შსს-ს პრესსამსახურში.
პოლიციელების მოქმედებას გონიოელების საპროტესტო აქციაზე უკანონობად აფასებს ახალგაზრდა იურისტთა ასოციაცია: “პირველადი მონაცემებით, შეკრების დაშლა და კონსტიტუციით მინიჭებული უფლების ხელშეშლა პოლიციელების მხრიდან ამ ფორმით იყო აბსოლუტურად უსაფუძვლო და უკანონო. ამ ვითარებაში პირის დაკავებაც, დიდი ალბათობით, ვერ იქნება არგუმენტირებული” – ამბობს საია-ს აჭარის ფილიალის ხელმძღვანელი, გიორგი ხიმშიაშვილი.
საპროტესტო აქციის რამდენიმე მონაწილე ამ დრომდე რჩება აჭარის მთავრობის შენობასთან.