მთავარი,სიახლეები

ქალზე ფიზიკური ძალადობისთვის ყოფილი ქმარი განზრახ მკვლელობის მუხლით იძებნება

20.06.2016 • 1574
ქალზე ფიზიკური ძალადობისთვის ყოფილი ქმარი განზრახ მკვლელობის მუხლით იძებნება

„ბრალდებული დადგენილია, იმყოფება ქვეყნის ფარგლებს გარეთ და უახლოეს დღეებში გამოცხადდება ძებნა“ – უთხრეს „ბათუმელებს“ შინაგან საქმეთა სამინისტროში ჩაისუბანში ჩადენილი ქალზე ძალადობის ფაქტთან დაკავშირებით.

მიმდინარე წლის 10 ივნისს, ყოფილმა ქმარმა, 27 წლის ქალი სასტიკად სცემა და ბასრი საგნით მრავლობითი ჭრილობა მიაყენა.

დაზარალებულის თქმით, ის ქმარს ერთი წლის წინ გაშორდა და სამ მცირეწლოვან შვილთან ერთად თამარის დასახლებაში ცხოვრობს. შემთხვევა ჩაისუბანში დაახლოებით საღამოს 11 საათზე მოხდა. იგი გამვლელმა უგონო მდგომარეობაში იპოვა მეორე დილით.

შსს-ს პრესსამსახურის ცნობით, გამოძიება მიმდინარეობს 19-108 მუხლით, რაც განზრახ მკვლელობის მცდელობას გულისხმობს, ასევე 126-ე მუხლით – ოჯახური ძალადობა.

გადაბეჭდვის წესი


ასევე: