ბათუმში ფესტივალი „ოქროს დელფინი“ გაიხსნა [ვიდეო]

26 მაისს ბათუმში საერთაშორისო ფესტივალ-კონკურსი „ოქროს დელფინი – ხელოვნება მსოფლიოს გარშემო“ გაიხსნა.

საერთაშორისო ფესტივალში მონაწილეობენ: უკრაინის, პოლონეთის, ლიტვას, თურქეთის, ინდოეთის, მოლდოვას, აზერბაიჯანის, სომხეთისა და საქართველოს ცალკეული რეგიონების შემოქმედებითი კოლექტივები.

ფესტივალ-კონკურსი მსოფლიო ფესტივალების საერთაშორისო ორგანიზაცია CIOFF-ის წევრია. ფესტივალის ორგანიზატორია კულტურისა და ტურიზმის განვითარებისა და ხელშეწყობის საზოგადოება.

ფესტივალი ეწყობა აჭარის განათლების, კულტურისა და სპორტის სამინისტროსა და ქალაქ ბათუმის მერიის ფინანსური მხარდაჭერით.

26 მაისს, 18:00 საათზე, ფესტივალი საზეიმოდ გაიხსნება მელიტონ კუხიანიძის სახელობის აჭარის სიმღერისა და ცეკვის სახელმწიფო აკადემიური ანსამბლის საკონცერტო დარბაზში.