მთავარი,სიახლეები

შსს: სარფში დიდი ოდენობით ნარკოტიკი ამოიღეს

19.05.2016 • 1610
შსს: სარფში დიდი ოდენობით ნარკოტიკი ამოიღეს

შსს-ს ინფორმაციით სასაზღვრო პოლიციის საბაჟო დეპარტამენტის თანამშრომლებმა, სარფში 1987 წელს დაბადებული ბარლაშ კ. განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და საქართველოში უკანონოდ შემოტანის ფაქტზე  დააკავეს.

სამართალდამცველებმა, დაკავებულის პირადი ჩხრეკისას, ნარკოტიკული საშუალების 10 აბი და აბის ნატეხი ამოიღეს, რომელიც 1,8975 გრ მდმა-ს [3,4-მეთილენდიოქსიმეტამფეტამინს] შეიცავს. ასევე ამოღებულია 0,14319 გრ კოკაინის შემცველი 0,2471 გრ ნარკოტიკი.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და განსაკუთრებით დიდი ოდენობით ნარკოტიკული საშუალების საქართველოში უკანონოდ შემოტანის ფაქტზე მიმდინარეობს [საქართველოს სსკ-ის 260-ე მუხლის მე-6 ნაწილის „ა“ ქვეპუნქტით და 262-ე მუხლის მე-4 ნაწილის „ა“ ქვეპუნქტით].

გადაბეჭდვის წესი


ასევე: