მთიანი აჭარა,სიახლეები

შინმოვლის მიზნობრივი პროგრამა ხელვაჩაურის მუნიციპალიტეტში

13.05.2016 • 1755
შინმოვლის მიზნობრივი პროგრამა ხელვაჩაურის მუნიციპალიტეტში

წელს ხელვაჩაურის მუნიციპალიტეტში ხანდაზმულთა და შშმ პირდა შინმოვლის მიზნობრივი პროგრამა ხორციელდება.  პროგრამის მთლიანი ბიუჯეტი 43 814 ლარია.

აიპ „კოალიცია შინმოვლა საქართველოში“ პროგრამას 41 314 ლარით, მუნიციპალიტეტის ადგილობრივი ბიუჯეტი კი  2 500 ლარით აფინანსებს.

პროგრამის ბენეფიციარები არიან ხელვაჩაურის მუნიციპალიტეტის სოფლებში (ორთაბათუმი, ყოროლისთავი, წინსვლა, მასაურა, აგარა, კაპრეშუმი, წიქარაული, სალიბაური) მცხოვრები უძლური ხანდაზმული შშმ პირები; დროებით ან ხანგრძლივად უძლურებაში მყოფილი პირები (ოპერაციების, მოტეხილობის, ინსულტის შემდეგ) და ტერმინალური (მომაკვდავი) პაციენტები.

პროგრამა გულისხმობს სახლის პირობებში, პროგრამის ბენეფიციარებისთვის სამედიცინო და სოციალური სერვისების მიწოდებას.  ხელვაჩაურის მუნიციპალიტეტის ინფორმაციით, ყოველთვიური მომსახურება 40 ზრუნვის საჭიროების მქონე პირს გაეწევა. გადამზადდებიან მათი ოჯახის წევრები.

შინმოვლის პროგრამას 2014 წლიდან ბათუმის მერია, ბათუმში რეგისტრირებული ბენეფიციარებისთვის ახორციელებს.  მუნიციპალიტეტებში ამ ტიპის სამედიცინო მომსახურებას ბენეფიციარები სოფლის ექიმების დახმარებით იღებენ.

მომსახურებას ხელვაჩაურის მუნიციპალიტეტში, აჭარაში მოქმედი კოალიციის წევრი ორგანიზაცია -„გენეზისი“ განახორციელებს. მონიტორინგს კი  ჯანმრთელობის და სოციალური დაცვის სამსახური გაუწევს.

გამგეობის ჯანმრთელობისა და სოციალური დაცვის სამსახურმა „კოალიცია შინმოვლა საქართველოში“-სთან ერთად ახალი პროგრამა აპრილის თვეში დაიწყო და იგი წლის ბოლომდე გაგრძელდება.

გადაბეჭდვის წესი


ასევე: