სიახლეები,სპორტი

ქედაში მშვილდოსნობის სექცია გაიხსნა

19.04.2016 • 1706
ქედაში მშვილდოსნობის სექცია გაიხსნა

ქედის სასპორტო სკოლის ბაზაზე დღეს მშვილდოსნობის სექცია გაიხსნა. სექციის გახსნასთან დაკავშირებით აჭარის მშვილდოსნობის ფედერაციამ დღესვე ეროვნული ნაკრების წევრებს შორს საჩვენებელი ტური მოაწყო.

„ქედაში ყველა ის საჭიროება და ბაზა არსებობს, რომ სპორტის ამ სახეობამ იფუნქციონიროს, ინვენტარი შევუძინეთ ქედის სექციას, მწვრთნელიც გვყავს, ვგეგმავთ შუახევსა და ხულოში გავხსნათ მშვილდოსნობის სექციები, ჩვენ ამ მომენტისთვის ოთხი მშვილდი შევიძინეთ, თუ იქნება მეტი მოთხოვნა, შესაბამისად შევიძენთ მშვილდსა და ყველა საჭირო ინვენტარს,“ – ამბობს აჭარის მშვილდოსნობის ფედერაციის დირექტორი ბადრი ვარშანიძე.

ქედაში მშვილდოსნობას ტარიელ ქადიძე შეასწავლის. „ასაკი შეზღუდული არ იქნება, თუმცა უკეთესია ახალგაზრდებით დაკონპლექტდეს მშვილდოსანთა ჯგუფი, მთავარია სექცია გაიხსნა და ინტერესი არის სპორტის ამ სახეობას დაეუფლონ, ამ ეტაპზე არ არის განსაზღვრული რამდენი ჯგუფი იქნება, სავარაუდოდ, თითო ჯგუფი რვა აღსაზრდელით დაკომპლექტდება,“ – ამბობს ტარიელ ქადიძე.

მშვილდოსნობის სექციის გახსნა ქედაში

მშვილდოსნობის სექციის გახსნა ქედაში

მშვილდოსნობის სექციის გახსნა ქედაში

გადაბეჭდვის წესი


ასევე: