ხვალ 5 აპრილს, ბათუმის „ამერიკულ კუთხეში“ აშშ-ის სახელმწიფო მდივნის მოადგილე ბენჟამენ ზიფის Webchat -ი იგეგმება თემაზე – „მეწარმეობა და ინოვაციურობა“.
„იგი განსაკუთრებით საინტერესო იქნება ახალგაზრდა მეწარმეებისათვის, რომლებსაც სურთ ბიზნესის დაწყება და აქვთ საინტერესო, ინოვაციური იდეები. ასევე, ბიზნესით დაინტერესებული და ინოვატორი სტუდენტებისათვის“ – ნათქვამია „ამერიკული კუთხეს“ ადმინისტრაციის განცხადებაში.
მათივე ინფორმაციით, Webchat-ის დროს 20-30 ახალგაზრდა ქართველი მეწარმე და ინოვატორი, ისაუბრებს თავიანთი პროექტების, წამოწყებებისა და გამოწვევების შესახებ. სამუშაო ენა ინგლისური იქნება.
6 აპრილს კი, „ამერიკელი კუთხე“ ამერიკელ დიპლომატს უმასპინძლებს. საჯარო ლექციის თემაა სირიის კრიზისი, ISIS და ტერორიზმი.
