მთავარი,სიახლეები

პეტრე ზამბახიძე: არჩილ ხაბაძის იმპიჩმენტის პროცედურას ვიწყებთ

30.03.2016 • 1438
პეტრე ზამბახიძე: არჩილ ხაბაძის იმპიჩმენტის პროცედურას ვიწყებთ

დღეიდან „ერთიანი ნაციონალური მოძრაობა“ უმაღლეს საბჭოში ხელმოწერების შეგროვებას იწყებს. მოთხოვნა აჭარის მთავრობის თავმჯდომარისთვის უნდობლობის გამოცხადებაა. არჩილ ხაბაძის იმპიჩმენტის პროცედურის დაწყებას უმაღლესი საბჭოს 7 წევრის თანხმობა, ხოლო უნდობლობის გამოცხადებას 14 დეპუტატის ხმა დასჭირდება.

„არ ვიცით, დაუჭერენ თუ არა დეპუტატები მხარს მთავრობის თავმჯდომარის იმპიჩმენტს, მაგრამ ფაქტია, რომ მთავრობას ასეთი სამარცხვინო თავმჯდომარე არ უნდა ჰყავდეს. ის ვერ ახორციელებს საკუთარ უფლებამოსილებას და არსებული უსაქმურობისა და უუნარობის ფონზე, ისევ ცენტრალური ხელისუფლებისგან თავსმოხვეული კანდიდატი – დავით კვაჭაძე წარმოადგინა უსკო-ს თავმჯდომარის პოსტზე“, – განაცხადა უმაღლესი საბჭოს წევრმა ფრაქცია „ერთიანი ნაციონალური მოძრაობიდან“ პეტრე ზამბახიძემ. ის არ გამორიცხავს, რომ კონსულტაციებს „რესპუბლიკელებთანაც“ გამართავს. „ნაციონალური მოძრაობა“ ეტაპობრივად სხვადასხვა მონაცემის გამოქვეყნებასაც გეგმავს. „ეს დაადასტურებს, რომ არჩილ ხაბაძის მსგავსი უუნარო თავმჯდომარე აჭარის რეგიონს აქამდე არ ჰყოლია“, – ამბობს პეტრე ზამბახიძე.

„ნაციონალური მოძრაობის“ დღევანდელ ბრიფინგს ჯერ არ გამოხმაურებია აჭარის მთავრობის თავმჯდომარე არჩილ ხაბაძე.

გადაბეჭდვის წესი


ასევე: