მთავარი,სიახლეები

BIAFF კინოჩვენებებისთვის ალტერნატიულ სივრცეს ქმნის

15.03.2016 • 1424
BIAFF კინოჩვენებებისთვის ალტერნატიულ სივრცეს ქმნის

16 მარტს, 17.30 საათზე, ბათუმის ხელოვნების უნივერსიტეტის კონფერენსდარბაზში გაიმართება BIAFF კინოფესტივალის მენეჯმენტის მიერ ინიცირებული პროექტის პრეზენტაცია – „ბათუმში კინოჩვენებებისთვის ალტერნატიული სივრცეების შექმნა“.

„ბათუმში ამ ეტაპზე ფუნქციონირებს მხოლოდ ერთი კომერციული კინოთეატრი „აპოლო“, ალტერნატიული სივრცეების ნაკლებობა მნიშვნელოვან პრობლემას წარმოადგენს ბათუმის საერთაშორისო კინოფესტივალისთვის (BIAFF) და ასევე ქალაქის მოსახლეობაც მოკლებულია დიდ ეკრანზე არაკომერციული კინოფილმების ნახვის შესაძლებლობას,“- ნათქვამია BIAFF-ის მენეჯმენტის განცხადებაში.

ბევრ ქვეყნაში ეს საკითხი მოგვარებულია მუნიციპალური კინოთეატრების არსებობით. ამ ეტაპზე გასაგებია, რომ მუნიციპალური კინოთეატრის პროექტი ბათუმში დიდ ფინანსებთან იქნება დაკავშირებული და შესაბამისად ნაკლებად რეალურია. ამის სანაცვლოდ შესაძლებელია ალტერნატიული სივრცეების მოწყობა კინოჩვენებებისთვის შემდეგი ფორმით:

_ ღია ცის ქვეშ კინოჩვენებებისთვის  გათვლილი მობილური კომპლექსის (ეკრანი, პროექტორი, აუდიო სისტემა) შეძენა – დაფინანსების წყარო/მოთხოვნის ადრესატი: ქ. ბათუმის მერია

_  თოჯინების თეატრისთვის კინოეკრანის და ციფრული პროექტორის შეძენა – დაფინანსების პოტენციური წყარო/მოთხოვნის ადრესატი: აჭარის არ განათლების, კულტურის და სპორტის სამინისტრო

პრეზენტაციაზე წარმოდგენილი იქნება ორივე პროექტის შესახებ დეტალური ინფორმაცია და ასევე დაანონსდება მათი რეალიზაციისთვის საჭირო პეტიციაზე ხელმოწერების (ფიზიკური და ონლაინვერსია) შეგროვების კამპანიის დაწყება.

BIAFFკინოფესტივალის მენეჯმენტი მიიჩნევს, რომ ეს ბათუმისთვის ძალიან მნიშნველოვანი პროექტია და მისი რეალიზაცია იქნება სამთავრობო და არასამთავრობო სექტორს,  საზოგადოებას შორის თანამშრომლობის წარმატებული მაგალითი.

გადაბეჭდვის წესი


ასევე: