ინდორ ჰოკეიში ჩემპიონატი ბათუმში 7-დან 9 მარტის ჩათვლით გაიმართება. შეჯიბრი ბათუმის ყინულის სახლში ჩატარდება და მასში აჭარის, თბილისის, ქუთაისის, ლანჩხუთის, ჩოხატაურის და აბაშის სპორტული სკოლების ქალთა ნაკრები გუნდები იასპარეზებენ. შეჯიბრის მიზანი საქართველოში ინდორ, ანუ იგივე დარბაზის ჰოკეის პოპულარიზაციის გარდა, საქართველოს ნაკრები გუნდისთვის კანდიდატების გამოვლენაა.
„ჩემპიონატში გამარჯვებული გუნდი მონაწილობას მიიღებს ევროპის ინდორ ჰოკეის ჩეპიონატში. გასული წლის ჩემპიონი აბაშის გუნდი იყო. გამარჯვებულს ასევე შეუძლია სხვა გუნდების საუკეთესო მოთამაშეებს შესთავაზოს ევროპის ჩემპიონატში მონაწილეობა” – უთხრა „ბათუმელებს“ ბათუმის ჰოკეის გუნდის მწვრთნელმა გელა მჟავიამ.
ინდორ ჰოკეის ჩემპიონატის ორგანიზატორი აჭარის სპორტისა და ახალგაზრდობის დეპარტამენტთან ერთად, აჭარის ჰოკეის ფედერაციაა.
ინდორ ჰოკეიში ჩემპიონატები საქართველოში 1974 წლიდან ტარდება.
