მთავარი,სიახლეები

„უპრეცედენტო შემთხვევა” ბათუმის საქალაქო სასამართლოში

09.02.2016 • 1490
„უპრეცედენტო შემთხვევა” ბათუმის საქალაქო სასამართლოში

ბათუმის საქალაქო სასამართლოში დღეს, 9 თებერვალს, მოსამართლე დავით მამისეიშვილმა პირველად განიხილა მკვლელობის საქმე ისე, რომ მკვლელობაში ბრალდებული პირი მისთვის სასამართლო დარბაზში სპეციალურად განკუთვნილ ადგილას არ იჯდა. ზ.ს.-ს მძიმე დანაშაულის – განზრახ მკვლელობის ჩადენის მცდელობაში ედება ბრალი, მაგრამ სასამართლო განხილვამდე მას აღკვეთის სახით პატიმრობის ნაცვლად გირაო შეეფარდა. ბრალდებული ზ.ს. დღეს თავისი ადვოკატების გვერდით იჯდა და იქედან პასუხობდა მოსამართლის შეკითხვებს. მოსამართლე დავით მამისეიშვილმა ამ შემთხვევას „უპრეცედენტო“ უწოდა.

მოსამართლე დავით მამისეიშვილის აპარატში დაგვიზუსტეს, რომ დავით მამისეიშვილი ბათუმის საქალაქო სასამართლოში სისხლის სამართლის საქმეებს 2014 წლის პირველი იანვრიდან განიხილავს და ამ დროიდან დღემდე არ დაფიქსირებულა შემთხვევა, როცა მკვლელობაში ბრალდებული პირი წინასწარ პატიმრობაში არ არის.

იყო თუ არა მსგავსი შემთხვევა სხვა მოსამართლეების შემთხვევაში – ბათუმის საქალაქო სასამართლო ამ მიმართულებით ზუსტ სტატისტიკას არ ფლობს.

 

გადაბეჭდვის წესი


ასევე: