სიახლეები

H1N1 – აჭარაში სტაციონარში მოთავსების მაჩვენებელმა იკლო, თუმცა ამბულატორიებში მიმართვა გაიზარდა

04.02.2016 • 1383
H1N1 – აჭარაში სტაციონარში მოთავსების მაჩვენებელმა იკლო, თუმცა ამბულატორიებში მიმართვა გაიზარდა

აჭარაში, ბოლო მონაცემებით, იკლო პაციენტთა სტაციონარში მოთავსების შემთხვევებმა, თუმცა, წინა დღეებთან შედარებით, გაიზარდა ამბულატორიებში მიმართვის რიცხვი.

აჭარის საზოგადოებრივი ჯანდაცვის ცენტრის მონაცემებით, 4 თებერვლის 17:30 საათის მდგომარეობით, გრიპისა და მწვავე რესპირატორულ დაავადებათა სიმპტომებით აჭარის ამბულატორიულ სამედიცინო დაწესებულებებს ჯამში მიმართა 321-მა პაციენტმა. სტაციონარში მკურნალობის კურსს გადის 128 პაციენტი, რეანიმაციულ განყოფილებაში მოთავსებულია 17 პაციენტი.

ბოლო მონაცემებით აჭარაში გრიპის 2015–2016 წლის ეპიდსეზონზე ლაბორატორიული კვლევისთვის აღებული იქნა სულ 62 ნიმუში, მათ შორის, 40 შემთხვევაში დადასტურდა A/H1p. დადასტურებული შემთხვევებიდან 7 რჩება სტაციონარში (მათ შორის, 3 ბათუმის რეანიმაციაში, 1– თბილისში), 3 პაციენტი გარდაიცვალა, 30 გამოჯანმრთელდა.

გადაბეჭდვის წესი


ასევე: