მთავარი,სიახლეები

ართვინში ქართული კულტურის ძეგლების რეაბილიტაცია დასრულებულია – მემედ ალიოს თურქი

02.02.2016 • 2314
ართვინში ქართული კულტურის ძეგლების რეაბილიტაცია დასრულებულია – მემედ ალიოს თურქი

„როგორც ჩემთვის ცნობილია, ქართული კულტურის ძეგლების რეაბილიტაცია, რომლის უმრავლესობა იუსუფელის რაიონშია, დასასრულს უახლოვდება. შეიძლება ითქვას, რომ დასრულებულია. პირადად გუბერნატორი თვალყურს ადევნებს და აკონტროლებს ამ პროცესს. საქართველოს პატრიარქი, ასევე საქართველოს პრეზიდენტი და რელიგიის საკითხთა სამმართველოს თავმჯდომარეც იმყოფებოდნენ ართვინში“, – განაცხადა „ბათუმელებთან“ ართვინის გუბერნატორის მოადგილემ, მემედ ალიოს თურქიმ.

ის დღეს ბათუმში, ხელოვნების მუზეუმში, თურქი მხატვრის პერსონალურ გამოფენაზე იმყოფებოდა.

იშხანის მონასტრის რესტავრაცია, ართვინის გუბერნიაში

თურქეთის ტერიტორიაზე არსებული ქართული კულტურის ძეგლების რეაბილიტაციის პროცესთან დაკავშირებით,  გარკვეული პრეტენზიები ჰქონდათ კულტურული მემკვიდრეობის დამცველებს.  მემედ ალიოს თურქის თქმით, ის შენიშვნები, რაც ქართული მხარის მიერ იყო გამოთქმული, გაზიარებულია.

„შენიშვნები, რა თქმა უნდა, გაითვალისწინეს ძეგლების რეაბილიტაციის დროს.  7-8 თვის წინ საქართველოს დიასპორის საკითხების მინისტრიც ჩამოვიდა ართვინში და ამ ვიზიტის დროსაც დადგა ეს საკითხი დღის წესრიგში. მე გულწრფელად მინდა გითხრათ, რომ თუკი ბათუმშიც არიან სპეციალისტები, ვისაც შეუძლია რჩევების მოწოდება თურქული მხარისთვის, ჩვენ მზად ვართ გავითვალისწინოთ და ვითანამშრომლოთ, რადგან ეს ძეგლები ჩვენი საერთო ღირებულებაა“, – განაცხადა გუბერნატორის მოადგილემ.

გადაბეჭდვის წესი


ასევე: