მთავარი,სიახლეები

თურქი მხატვრის პერსონალური გამოფენა ბათუმში

02.02.2016 • 1649
თურქი მხატვრის პერსონალური გამოფენა ბათუმში

დღეს, 2 თებერვალს, ბათუმის ხელოვნების მუზეუმში თურქი მხატვრის ქემალ ჩელიქის პერსონალური გამოფენა გაიმართა.  ცოტა ხნის წინ ბათუმმა კიდევ ერთი თურქი მხატვრის გამოფენას უმასპინძლა. გამოფენის გახსნას დაესწრნენ თურქი და ქართველი ოფიციალური პირები. სტუმრებს  ნაციონალური კოქტეილით გაუმასპინძლდნენ.

გამოფენა ხელოვნების მუზეუმის დირექტორმა ნინო ნიჟარაძემ გახსნა:

„ჩვენი ახლო მეზობლობა ართვინთან მეგობრობაში და შემოქმედებითი ურთიერთობების გაზიარებაში გამოიხატება. პეიზაჟი ერთ-ერთი პოპულარული ჟანრია მხატვრობაში და მას ყოველთვის მოეძებნება დამთვალიერებელი. ვფიქრობ, გამოფენა წარმატებული იქნება“.

ნინო ნიჟარაძე

მხატვარ ქემალ ჩელიქის თქმით, ეს მისი პირველი გამოფენაა საზღვრებს გარეთ:

„ხელოვნება არის ჩემი ცხოვრების განუყოფელი ნაწილი, მინდა მადლობა გადავუხადო კონსულს მხარდაჭერისთვის.  ასევე მადლობა მინდა გითხრათ სტუმრებს, ცივი ამინდის მიუხედავად გამოფენაზე  მოსვლისთვის“.

ბათუმში თურქეთის კონსულის იასინ თემიზქანის თქმით, მხატვარი ქემალ ჩელიქი წარმოშობით შავშეთიდაა, სწორედ ამიტომ შეჩერდა მასზე არჩევანი:

„მის შემოქმედებაშიც  ამიტომ სჭარბობს ართვინის პეიზაჟი.  ჩვენ პეიზაჟს ვანიჭებთ უპირატესობას“-თქვა მან.

გამოფენის გახსნას აჭარის უმაღლესი საბჭოს თავმჯდომარე, ავთანდილ ბერიძე და განათლებისა და კულტურის მინისტრი, გიორგი თავამაიშვილიც ესწრებოდნენ.

ქემალ ჩელიქის პერსონალირი გამოფენა

ქემალ ჩელიქის გამოფენა

 

 

გადაბეჭდვის წესი


ასევე: