მომავალ საპარლამენტო არჩევნებში მონაწილეობას კიევის ყოფილი მერი ლეონიდ ჩერნოვეცკი და საქართველოს ვიცესპიკერი მურმან დუმბაძე ერთი პოლიტიკური ორგანიზაციიდან გეგმავენ. ლეონიდ ჩერნოვეცკი ბოლო წლებია ქობულეთში ცხოვრობს. მან საქართველოს პარლამენტში შესვლის სურვილი ცოტა ხნის წინ გაახმოვანა, პარტია „ბედნიერი საქართველოსთვის“ დაარსა და პირველი წინასაარჩევნო დაპირებაც გასცა. გამარჯვების შემთვევაში ის მოსახლეობას პენსიების 500 ლარამდე გაზრდას დაპირდა. ერთიან პოლიტიკურ გეგმებზე „ბათუმელების“ კითხვებს მურმან დუმბაძემ უპასუხა.
ბატონო მურმან ცოტა ხნის წინ თქვენს მიერ დაფუძნებულმა ორგანიზაციამ „ემსახურე საქართველოს“ თქვენი და ლეონიდ ჩერნოვეცკის ერთად გადაღებული ფოტო გამოქვეყნა, თქვენსკენ სიახლეა?
დიახ, პოლიტიკაში სიახლეა. პოლიტიკურ ველზე აშკარად იკვეთება ახალი პოლიტიკური ძალა და სავარაუდოდ მას ქვია ბედნიერი საქართველოსთვის. მისი დაანონსება მოხდა ლეონიდ ჩერნოვეცკის მიერ, რომელიც საქართველოს მოქალაქეა და ბოლო რამდენიმე წელია ქალაქ ქობულეთში ცხოვრობს. ეს ჩემთვის სიახლე არ არის, ახალი კონკურენციული ძალა შემოდის პოლიტიკაში და მე მინდა რომ ახალმა ძალამ ახალი სიტყვა თქვას საქართველოს მოსახლეობის საკეთილდღეოდ.
თქვენთან მას კავშირი აქვს?
შემიძლია დაგიდასტუროთ რომ ბოლო დღეების განმავლობაში კონსულტაციები მიდიდოდა და ჩემს გუნდთან ერთად პრაქტიკულად მიღებულია გადაწყვეტილება, რომ ჩვენ სავარაუდოდ დიდი შენაკადი ვიქნებით ბედნიერი საქართველოსთვის და ვიბრძოლებთ რომ საქართველოს ნებისმიერი მოქალაქე იყოს ბედნიერი. ეს არის ჩვენი უმთავრესი ამოცანა. ბედნიერება არის კარგი ოჯახები, ეკონომიკურად წარმატებული ოჯახები და ბედნიერება არის როცა სიტყვას იქნევ, მოქალაქესთან პირობას დადებ , ეს პირობა ხელისუფლებაში მისვლის შემდეგ უნდა შეასრულო. ჩვენ მოგვიწევს ბრძლა „ქართული ოცნების“ ხელისუფლებიდან წასასვლელად. ეს გზა მე გამომივლია ბოლო 20-25 წლის განმავლობაში და უნდა გითხრათ , რომ რომელ პოლიტიკურ ძალასაც შევუერთდი , ყველა პოლიტიკური ძალა არის მოგებული. მე ვფიქრობ რომ ამ შემთვევაშიც პარტიას „ბედნიერი საქრთველოსთვის“ პერსპექტივაში ეს მომავალი ელის.
ვიცი რომ თქვენ გაქვთ თქვენი ორგანიზაცია, გარდა ამისა ვინ შეიძლება კიდევ გაერთიანდეს ამ ორგანიზაციაში?
„ემსახურე საქართველოს“ არი საზოგადოებრივი მოძრაობა და მის დამფუძნებლებთან, მის გამორჩეულ ნაწილთან მოლაპარაკებები მიდიოდა და ბოლო დღეების განმავლობაში პრაქტიკულად ძალიან ბევრი ფიქრი ფიქრი არ დაგვჭირვებია, საპერსპეტივოდ ეს არი ევროპული ძალა . ეს არის ადამიანი რომელსაც პოლიტიკაში ყოფნის გამოცდილება აქვს და ეს ძალიან მნიშვნელოვანია ჩვენთვის . მას ჰქონდა მოგებებიც და წაგებებიც და უმეტესწილად ჰქონდა მოგებები. ჩემთვის ძალიან მნიშვნელოვანია მისი ბოლო ოცდაათწლიანი მოღვაწეობა უკრაინაში, რომელიც პრაქტიკულად ქართული სახელმწიფოს პოპულარიზაციას ეწევა. ეს იქნება რუსთაველის ძეგლის დადგმა, ქართული სახელმწიფოსთვის მიწების გადაცემა, ღონღაძის მემორიალის გახსნა, სქველომედო საქმიანობა საქართველოში . მას უზარმაზარი ორგანიზაცია აქვს რომელიც გაჭირვებულ ადანმიანებს ეხმარება . თუმცა ის ხელისუფლებას ისევ ეკლებში ყავს, მაგრამ მე ვფიქრობ რომ წესიერი ადამიანების შემოკრება მას არ უნდა გაუჭირდეს. ჩვენ ყველაფერს გავაკეთებთ იმისათვის რომ თითოეული ადამიანი, რომელიც საქართველოსთვის პოზიტივის მომტანია იყოს დაფასებული ამ სახელმწიფოში. ასეთია ჩვენი ამოცანა.
ვისთვის არ იქნება ღია ეს პოლიტიკური ორგანიზაცია?
ეს ორგანიზაცია არ იქნება ღია იმისთვის ვინც დღეს ღიად მხარს უჭერს მიმდინარე სახელისუფლებო პოლიტიკურ ორგანიზაციებს და მთლიანად კოალიციას, რომელმაც დაპირება არ შეასრულა და ამ დაპირების შესრულება არც ისე რთული იყო . მემის რომ ეკონომიკური ნაწილის განვითარება სამ წელიწადში არი რთული, მაგრამ პოლიტიკურ ნაწილში ვთქვათ საარჩევნო კოდექსის თვალსაზრისით, თვითმმართველობის განვითარების თვალსაზრისით , კერძო საკუთრების , სამართლიანობის აღდგენის თვალსაზრისით ეს შეეძლო ქართულ ოცნებას და ზოგადად ხელისუფლებას მოეგვარებინა. ვინც არი მაღალ ეშელონებში დღეს მათთვის ჩვენი კარი არ იქნება ღია, მაგრამ შესაძლებელია მივიღოთ რიგითი მხარდამჭერები, ადამაინები რომლებიც სხვადასხვა პოლიტიკურ პარტიებში იყვნენ, ამას დიდ ყურადღებას არ მივაქცევთ. ერთადერთი ჩვენ კონკურენციაში ვხედავთ იმ ჯგუფს, პოლიტიკურ ელიტას რომელიც მართავს დღეს სახელმწიფოს.
მიუხედავად პოლიტიკური გამოცდილებისა, მას მაინც როგორც ბიზნესმენს ასე იცნობენ. ცოტა ხნის წინ ასევე ბიზნესიდან მოვიდა ბიძინა ივანიშვილი, რომელთან დაკავშირებითაც არწმუნებდით საზოგადოებას, რომ ის ხალხის იმედს გაამართლებდა, მაგრამ ახლა ამბობთ რომ იმედგაცრუებული ხართ. რამდენად კარგად იცნობთ ჩერნოვეცკის ხედვებს და სურვილებს, ამჯერად დარწმუნებული ხართ რომ შემდეგ არ გადაიფიქრებთ?
მაქვს სურვილი რომ მოლოდინები რაც შეექმნება ადამიანებს ამ ორგანიზაციის პროგრამის პრეზენტაციის შემდეგ იყოს შესრულებული. ცხოვრება არის დინამიკა, ეს არ არი მარტივი საქმე. თუ ადამიანს აქვს დასახული პროგრამის განხორციელების სურვილი. ჩვენ დავიხარჯებით ბოლომდე და თუ ასეთი სურვილი აღარ იქნება ჩვენ გავაკრიტიკებთ. ეს არი ცხოვრება.
