„არ დავუშვებთ ახალი კორპუსის დემონტაჟს“ – აქცია სასამართლოსთან


სამართლიანი გადაწყვეტილების მიღების მოთხოვნით აქცია ბათუმის საქალაქო სასამართლოსთან გაიმართა. შეკრებილები ითხოვენ, რომ „სვეტი ჯგუფის“ ახალი საცხოვრებელი კორპუსი, რომელიც ყოფილ ჭადრაკის სახლთან ახლოს, ბათუმის შემოსასვლელში აშენებული, არ უნდა დაინგრეს.

„ჩვენ ვართ 300 მენაშენე, ძირითადად ემიგრანტები… ჩვენ პატიოსნად  ვიხდიდით ფულს, რომ ბინა შეგვეძინა. გთხოვთ, მოგვცეთ სამშობლოში ყოფნის უფლება,“ – აცხადებდნენ აქციაზე შეკრებილები.

ახალი კორპუსის დემონტაჟის შესახებ გადაწყვეტილება ბათუმის მერიამ უკვე მიიღო. საფუძველი უნებართვო მშენებლობაა. მენაშენეები ამბობენ, რომ მათი ბრალი არ არის, თუკი კომპანია მერიასთან შეთანხმების გარეშე აშენებდა კორპუსს და ამის შესახებ მერიას მანამ უნდა ეთქვა, ვიდრე 7 სართული აშენდებოდა.

ახლა „სვეტი ჯგუფის“ მენაშენეები დემონტაჟის შესახებ მიღებული გადაწყვეტილების შეჩერებას ითხოვენ. საქმე მოსამართლე ჯუმბერ ბეჟანიძემ უნდა განიხილოს.

ამავე თემაზე:

ბათუმში „სვეტის ოლიმპიური ქალაქის“ პროექტი შესაძლოა აღარ განხორციელდეს

ნეტგაზეთის მასალების სხვა გამოცემებში გადაბეჭდვის წესი
ავტორი