მთავარი,სიახლეები

რა შეღავათები გაუუქმეს იმპორტიორებს და ვის შეეხება მინისტრის ბრძანება 

12.06.2019 • 1866
რა შეღავათები გაუუქმეს იმპორტიორებს და ვის შეეხება მინისტრის ბრძანება 

საქართველოს ფინანსთა მინისტრის ახალი ბრძანებით, იმპორტის გადასახდელების გადახდის 5-დღიანი ვადა გავრცელდება „ოქროს სიის“ მონაწილის კუთვნილ საქონელზე [ნაცვლად ცვლილებამდე მოქმედი 30-დღიანი ვადისა], წინასწარ [საქონლის შემოტანამდე] დეკლარირებულ საქონელზე [ნაცვლად ცვლილებამდე მოქმედი 15-დღიანი ვადისა] და დეკლარანტის მიერ შევსებული და რეგისტრირებული დეკლარაციით გაფორმებისას [ნაცვლად ცვლილებამდე მოქმედი 10-დღიანი ვადისა].

საქართველოს შემოსავლების სამსახურის ინფორმაციით, ცვლილებები, დღეიდან, 12 ივნისიდან, უკვე ამოქმედდა აქციზური საქონლის მიმართ, ხოლო სხვა შემთხვევაში 2019 წლის 2 ივლისიდან ამოქმედდება.

ამ ცვლილების ძალაში შესვლამდე რეგისტრირებული საბაჟო დეკლარაციით იმპორტის სასაქონლო ოპერაციაში გაცხადებულ საქონელზე იმპორტის გადასახდელები გადაიხდება დეკლარაციის რეგისტრაციის დღისათვის მოქმედი წესით განსაზღვრულ ვადაში.

ცვლილებები „საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2012 წლის ბრძანებაში, 2019 წლის 31 მაისს შევიდა.

გავრცელებული ინფორმაციით, 10 მსხვილი ბიზნესგაერთიანება დღეს, 12 ივნისს, წერილით მიმართავს საქართველოს ფინანსთა მინისტრს, გაკეთდეს შესაბამისი განმარტებები, აღნიშნულ ცვლილებასთან დაკავშირებით. ბიზნესმენები მინისტრის ბრძანების ამოქმედების 6 თვით გადავადებას ითხოვენ, რისთვისაც აპირებენ მიმართონ პრემიერ-მინისტრსაც. 

შემოსავლების სამსახურის ინფორმაციით, იმპორტის გადასახდელების გადახდის 45-დღიანი ვადა კვლავ იმოქმედებს „ოქროს სიის“ მონაწილის კუთვნილ, სეს ესნ-ის 1001 სასაქონლო პოზიციით გათვალისწინებულ ხორბალზე.

რატომ ითხოვენ კომპანიები მინისტრის გადაწყვეტილების გადავადებას და რა არის „ოქროს სია“ – ვრცლად იხილეთ ბმულზე:

რატომ ითხოვენ კომპანიები “ოქროს სიაზე” მაჭავარიანის გადაწყვეტილების ამოქმედების გადავადებას

გადაბეჭდვის წესი


ასევე: