მთავარი,სიახლეები

აჭარის ტელევიზიის დირექტორი ვერ აირჩიეს

31.05.2019 • 1420
აჭარის ტელევიზიის დირექტორი ვერ აირჩიეს

აჭარის ტელევიზიის დირექტორი მაუწყებლის მრჩეველთა საბჭომ პირველი კენჭისყრის შედეგად ვერ აირჩია.

საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს ხმები ასე გადანაწილდა:

  • 2 ხმა მიიღო მერაბ წულუკიძემ, საზოგადოებრივი მაუწყებლის ჟურნალისტმა;
  • 1 ხმა – ბაჩო გურაბანიძემ, „დილის ტალღის“ პროდიუსერმა აჭარის ტელევიზიაში;
  • 1 ხმა – ირმა ზოიძემ, საგამოძიებო სტუდია REC -ის დამფუძნებელმა;
  • 1 ხმა მიიღო ნათია ზოიძემ, აჭარის ტელევიზიის დირექტორის მოვალეობის შემსრულებელმა.

კენჭისყრაში მონაწილეობა მრჩეველთა საბჭოს ხუთივე წევრმა მიიღო.

განმეორებითი კენჭისყრა ნახევარ საათში გაიმართება. მეორე ტურში გადავიდა ოთხი კანდიდატი, ისინი, რომელთაც ხმები მიიღეს.

საზოგადოებრივი მაუწყებლის აჭარის ტელევიზიისა და რადიოს დირექტორის პოსტზე სულ რვა კანდიდატი განიხილებოდა.

საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოში ხუთი წევრია: ნატა იმედაიშვილი, გიორგი ირემაძე, ბეჟან გობაძე, გიგა ჩხარტიშვილი და ირაკლი დარცმელიძე.

განახლებული ინფორმაცია: გაიმართა განმეორებითი წილისყრა, თუმცა ხმები იგივენაირად გადანაწილდა, დირექტორის ასარჩევად კი საჭირო იყო ერთ კანდიდატს მიეღო სამი ხმა. კონკურსი ჩაიშალა. საზოგადოებრივი მაუწყებლის აჭარის ტელევიზიისა და რადიოს დირექტორის პოსტის დასაკავებლად კონკურსი ხელახლა უნდა გამოცხადდეს. მაუწყებლის მრჩეველთა საბჭოს რიგგარეშე სხდომა 3 ივნისსაა ჩანიშნული.

გადაბეჭდვის წესი


ასევე: