მთავარი,სიახლეები

„მძიმე იყო ეს ჩემთვის, როგორც მერისთვის“ – ლაშა კომახიძე მაღალჩინოსნების დაკავებაზე

31.05.2019 • 2110
„მძიმე იყო ეს ჩემთვის, როგორც მერისთვის“ – ლაშა კომახიძე მაღალჩინოსნების დაკავებაზე

ბათუმის მერმა, ლაშა კომახიძემ, პირველი კომენტარი გააკეთა ჟურნალისტებთან გუშინ, 30 მაისს, ბათუმში დაკავებულ მაღალჩინოსნებთან დაკავშირებით.

„მძიმე იყო ეს ჩემთვის, როგორც მერისთვის, ვინაიდან თითოეული დაკავებული ადამიანი იკავებს საკმაოდ მნიშვნელოვან პოზიციას მუნიციპალიტეტში, ისინი არიან მაღალი კვალიფიკაციის კადრები, შესაბამის სფეროებში მრავალწლიანი გამოცდილებით.

აბსოლუტურად მესმის ბრალდებების სიმძიმე, რომელიც ჩვენს კოლეგებს აქვთ წაყენებული, ამიტომ, ვიმედოვნებ, სწრაფ და ობიექტურ გამოძიებას, რომელიც თავის ადგილზე დააყენებს ყველაფერს,“ – განაცხადა ლაშა კომახიძემ.

მან ასევე აღნიშნა, რომ მიუხედავად შექმნილი სიტუაციისა, მერიის სამსახურები და ორგანიზაციები შეუფერხებლად იმუშავებენ.

30 მაისს პროკურატურამ ბათუმის მერიის მოქმედი და ყოფილი 7 მაღალჩინოსანი ერთდროულად დააკავა. აჭარის მთავარმა პროკურორმა, ნათია სონღულაშვილმა, ბრიფინგი გამართა და თქვა, რომ მაღალჩინოსნების დაკავება 2015 წელს ჩატარებულ იმ ტენდერს უკავშირდება, რომლითაც ბათუმში „იაფი სახლი“ უნდა აშენებულიყო.

გადაბეჭდვის წესი


ასევე: