ქობულეთის მერია პლაჟთან ახლოს საპირფარეშოებს აშენებს


ქალაქ ქობულეთში, პლაჟთან ახლოს, აღმაშენებლის N-325-ის, N520-ის მოპირდაპირედ და ამავე ქუჩაზე მდებარე ეკოპლაჟთან, ქობულეთის მუნიციპალიტეტი საპირფარეშოებს ააშენებს. სამი საპირფარეშოს მოწყობაზე ელექტრონული ტენდერი საწყისი თანხით – 148 478 ლარი, უკვე გამოცხადებულია. პროექტი აჭარის ბიუჯეტიდან ფინანსდება.

საპირფარეშოები გამარჯვებულთან ხელშეკრულების დადებიდან 40 დღეში უნდა აშენდეს. ტენდერში წინადადებების მიღება კი, 2019 წლის 15 ივნისს დაიწყება და 20 ივნისს დასრულდება.

სატენდერო დოკუმენტაციას თან ახლავს პროექტები, რომელთა მიხედვითაც უნდა აშენდეს საპირფარეშოები. შესრულებული სამუშაოების საგარანტიო ვადა ორი წელია.

ჯგუფები, რომლებიც ტურიზმის მიმართულებით მუშაობენ, მუდმივად აყენებენ საპირფარეშოების არარსებობას როგორც ერთ-ერთ ყველაზე დიდი პრობლემას.

ტურიზმი ტუალეტების გარეშე

მთავარი ფოტო: „ბათუმელების“ არქივიდან
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com