სუფსაში ავარიის შედეგად 4 ადამიანი დაიღუპა. შინაგან საქმეთა სამინისტროს პრესცენტრის ინფორმაციით, ერთმანეთს შეეჯახა მსუბუქი ავტომანქანა და სატვირთო. ავტომანქანის მძღოლი და სამი მგზავრი ადგილზე დაიღუპა.
დაწყებულია გამოძიება სისხლის სამართლის კოდექსის 276-ე მუხლის მე-8 ნაწილის შესაბამისად, რაც ავტოსატრანსპორტო საშუალების მოძრაობის ან ექსპლუატაციის წესების დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.
