როგორ ემზადება ბულვარი ტურისტული სეზონისთვის


ბათუმის ბულვარი ზაფხულის ტურისტულ სეზონს მრავალი სიახლით ხვდება. სეზონისათვის მოსამზადებელი ინფრასტრუქტურული სამუშაოები აქტიურ ფაზაშია და  რამდენიმე მიმართულებით მიმდინარეობს. დაგეგმილია ზოო-კუთხის რეკონსტუქცია, ფრინველების ახალი აუზის მოწყობა, ასევე, ახალ ბულვარში ბავშვთა ატრაქციონის სრული განახლება; სულ მალე დასრულდება ველო-ბილიკის სარეაბილიტაციო სამუშაოები. დასრულების ეტაპზეა ი.გორდეზიანის ახალი სკვერის მოწყობა და გამწვანებითი სამუშაოები. დაწყებულია ადაპტირებული საპლაჟო ინფრასტრუქტურის მოწყობა.

ირაკლი ჯინჭარაძე

ირაკლი ჯინჭარაძე

„მიუხედავად იმისა, რომ ბათუმის ბულვარი ახორციელებს არაერთ ინფრასტრუქტურული პროექტს, ჩემთვის განსაკუთრებით მნიშვნელოვანი და ღირებულია ადაპტირებული პლაჟის მოწყობა. პროექტის ფარგლებში პლაჟზე გადასასვლელი ხის ბილიკები უკვე დამონტაჟდა, მოეწყობა საშხაპეები და გამოსაცვლელები, დაგეგმილია ასევე ადაპტირებული საპირფარეშოების მოწყობაც. რაც მთავარია, წელს სანაპირო ზოლი აღიჭურვება ტივტივა ეტლებით, რომელთა სარგებლობა მომხმარებლებისთვის უფასო იქნება და შშმ პირებს ზღვაში დამოუკიდებლად შესვლის საშუალებას მისცემს. აღნიშნული პროექტი საქართველოში პირველად ხორციელდება და ინკლუზიური ტურიზმის განვითარებას შეუწყობს ხელს“ – აცხადებს ბულვარის დირექტორი ირაკლი ჯინჭარაძე. მისი თქმით, მსგავსი სრულად ადაპტირებული პლაჟი წელს ერთ ლოკაციაზე, კერძოდ, რესტორან „ძველი გემის“ წინ მოეწყობა.

ბათუმის ბულვარი სრულად ადაპტირდა შშმ პირებისთვის

ბათუმის ბულვარში არსებული პლაჟი ადაპტირდა შშმ პირებისთვის

ბათუმის ბულვარი სრულად ადაპტირდა შშმ პირებისთვის

ბათუმის ბულვარში არსებული პლაჟი ადაპტირდა შშმ პირებისთვის

ზაფხულის ტურისტული სეზონის მზადებასთან დაკავშირებით, სსიპ ბათუმის ბულვარი არსებული ველო-ბილიკის სარეაბილიტაციო სამუშაოებს ასრულებს. პროექტის ფარგლებში, მოწესრიგდება და შეიღებება 5100 გრძ.მეტრი ველობილიკი, რომელიც მარკირებული იქნება სპეციალური ნიშნულებით. მოწესრიგებული საველოსიპედო ბილიკი მაქსიმალურად კომფორტული და უსაფრთხო იქნება ველომოყვარულთათვის.

აქტიურად მიმდინარეობს ბულვარში არსებული ველობილიკის რეაბილიტაცია

აქტიურად მიმდინარეობს ბულვარში არსებული ველობილიკის რეაბილიტაცია

ვიზიტორებისთვის დასვენების უსაფრთხო და მშვიდი გარემოს უზრუნველყოფის მიზნით, აიკრძალა ელექტრომობილების გადაადგილება ბათუმის ძველ ბულვარში, განხორციელდა რამდენიმე უსახური და უკანონო ობიექტის დემონტაჟი.

ბათუმის ბულვარი

ბათუმის ბულვარი

ნეტგაზეთის მასალების სხვა გამოცემებში გადაბეჭდვის წესი
ავტორი