ხვალ ბათუმში „მშვიდობის რალი“ გაიმართება


ბათუმში აღმოსავლეთ-დასავლეთის მეგობრობისა და მშვიდობის რალი გაიმართება, რომელმაც სტარტი გერმანიაში 11 მაისს აიღო – ინფორმაციას ამის შესახებ თურქეთის საკონსულო ავრცელებს.

აღმოსავლეთ-დასავლეთის მეგობრობისა და მშვიდობის რალი წელს მეცხრამეტედ იმართება. საკონსულოს ინფორმაციით, რალს თვალს ადევნებენ ევროპის წამყვანი სპორტული ჟურნალები, თურქული და გერმანული ტელეარხები.

დღეს, 20 მაისს რალში მონაწილე 37 ავტომანქანა ართვინის გავლით ბათუმში შემოვა. ღონისძიება 21 მაისს, სამშაბათს, 10:00 საათზე, სასტუმრო „ჰილტონის“ გვერდით მდებარე ტერიტორიაზე გაიმართება.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com