დღეს, 20 მაისს, საჯარო სკოლებში მეთორმეტეკლასელებისთვის ბოლო ზარი დაირეკა. გოგონებმა და ბიჭებმა, ტრადიციულად, თეთრ პერანგებზე სამახსოვრო წარწერები გაუკეთეს ერთმანეთს. მოზარდები ერთმანეთს სკოლის დასრულებას ულოცავდნენ. სახესა და ხელებზე გულებმიხატული მოზარდები „ბათუმელებს“ ეუბნებიან, რომ სკოლის დასრულება უხარიათ, თუმცა, წლების შემდეგ, აქ გატარებული დღეები ალბათ მოენატრებათ.
მე-16 სკოლის კურსდამთავრებული ლუკა ბიბინეიშვილი: ეს დღეები ცოტა დაძაბულია, რადგან წინ გამოცდები გველოდება. იმედია, წარმატებით ჩავაბარებთ. ყველა მე-12- კლასელს ვუსურვებ წარმატებას“.
ამავე სკოლის კურსდამთავრებულია ირინა გენძეხაძეც: „რატომღაც მგონია, რომ ძალიან მომენტარება ჩემი კლასი, გართობა, მასწავლებლების გაბრაზება“.
მოსწავლეები ამბობენ, რომ წელს ბოლო ზარს საკმაოდ მოკრძალებულად აღნიშნავენ. „ფერად ბუშტებს გავუშვებთ და გვექნება პატარა ბანკეტიც,“ – გვითხრეს მათ.