მთავარი,სიახლეები

ხულოს საოლქო საარჩევნო კომისიაში 17 საჩივარია შესული

19.05.2019 • 926
ხულოს საოლქო საარჩევნო კომისიაში 17 საჩივარია შესული

ხულოს საოლქო საარჩევნო კომისიაში ამ დროისათვის [18:00] 17 საჩივარია შესული. სამი საჩივარი „სამართლიანი არჩევნების“ დამკვირვებლებმა დაწერეს, 14 საჩივარი კი „ერთიანი ნაციონალური მოძრაობის“ დამკვირვებლებმა.

„საჩივრის ძირითადი მიზეზი პროცესუალური დარღვევებია, რომელთა უმეტესობა ადგილზე აღმოიფხვრა. მაგალითად, ეს არის გარეთ აგიტაცია; ორ შემთხვევაში კომისიის წევრი გარეთ გავიდა და დაიწერა საჩივარი; ასევე, როგორც იცით, ითქვა, რომ კოორდინატორებს სიები ჰქონდათ და ცესკომ უკვე განმარტა, რომ ამ სიებში არ არის პირადობის ნომრები; წილისყრის დროს იყო პროცესუალური დარღვევები, მაგრამ გამოსწორდა იმ მომენტისთანავე“ – აღნიშნა „ბათუმელებთან“ ნოდარ მელაძემ, ხულოს საოლქო კომისიის თავმჯდომარემ.

მისივე თქმით, 17 საათის მონაცემებით ხულოში მერის არჩევნებზე 11 931 ამომრჩეველი გამოცხადდა ხმის მისაცემად, ამომრჩეველთა რაოდენობის 49, 46 პროცენტი.

______________

მთავარ ფოტოზე: არჩევნები ხულოში. ცაგო კახაბერიძის ფოტო

 

გადაბეჭდვის წესი