დღეს, 18:00 საათზე, ბათუმის რაგბი არენაზე 2019 წლის საქართველოს ჩემპიონატის ფინალური თამაში გაიმართება რაგბიში. დიდი 10-ის ფინალში ერთმანეთს ბათუმის სარაგბო კლუბი „ბათუმი“ და რუსთავის „ხარები” დაუპირისპირდებიან . ამ დროისთვის [17:30] სტადიონზე ტრიბუნები თითქმის შევსებულია. გულშემატკივრები რაგბი არენაზე თავიანთი კლუბების საქომაგოდ მივიდნენ.
ბოლო შესარჩევი შეხვედრა „ბათუმსა“ და „ხარებს“ შორის 20 აპრილს გაიმართა. ბათუმურმა კლუბმა „ხარები“ ანგარიშით 32:10 დაამარცხა. 5 მაისს “ხარები” მარნეულის “არმაზს” შეხვდა და შეხვედრა მოიგო. ამ მოგებით ბოლო 25 წლის მანძილზე პირველად “ხარებმა” საქართველოს ჩემპიონატის ფინალში თამაშის უფლება მოიპოვა.