ევროკავშირის ელჩის გამოწვევა საქართველოს მთავრობას


„ეს არის 10 ლარი იმ ადამიანისთვის, ვინც მე პლასტიკის პარკით დამინახავს“, – ამბობს ევროკავშირის ელჩი კარლ ჰარცელი ვიდეორგოლში, რომელიც ნარჩენების შემცირებას შეეხება.

„გარემოს ქმნი შენ“ – კამპანიის ფარგლებში მომზადებულ  ერთწუთიან ვიდეორგოლში კარლ ჰარცელი საუბრობს თითოეული ადამიანის წვლილზე, გარემოს დაცვაში და ნარჩენების შემცირების საქმეში.

„ჩვენ ყველამ უნდა შევიტანოთ საკუთარი წვლილი გარემოს დაცვაში. მაგალითად, როდესაც საყიდლებზე მივდივარ საკუთარი ჩანთა მიმაქვს იმისათვის, რომ პლასტიკის ნარჩენები შევამცირო“, -ამბობს ელჩი.

მისი თქმით, მნიშვნელოვანია რომ სურსათის შეძენისას მარკეტებში ვატაროთ ნაჭრის ჩანთები, რაც ხელს შეუწყობს პოლიეთილენის პარკების გამოყენების შემცირებას.

კარლ ჰარცელი ამ კამპანიაში საქართველოს პრეზიდენტს, საქართველოს გარემოს დაცვისა და სოფლის მეურნეობის მინისტრს, საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარეს, „რომ გაგვიზიარონ საკუთარი გამოცდილება ნარჩენების შემცირებაში“, – ამბობს ელჩი.

კვლევების მიხედვით, საქართველოში ყოველწლიურად 900 000 ტონა საყოფაცხოვრებო ნარჩენი წარმოიქმნება.

ევროკავშირის ელჩი კარლ ჰარცელი.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com