მთავარი,სიახლეები

ფეხბურთის სტადიონის სავარძლების ფერის შესარჩევად FB-გამოკითხვას ატარებენ

08.05.2019 • 2010
ფეხბურთის სტადიონის სავარძლების ფერის შესარჩევად FB-გამოკითხვას ატარებენ

აჭარის ფინანსთა და ეკონომიკის სამინისტრომ ფეისბუქგვერდზე მშენებარე სტადიონის სავარძლების ფერის შესარჩევად გამოკითხვა გამოაქვეყნა. სამინისტრო მომხმარებელს ორ ფერს – ცისფერსა და ლურჯს სთავაზობს. სამინისტროს პრესსამსახურის ინფორმაციით, ფერები ქალაქის, ზღვისა და ბათუმის „დინამოს“ ლოგოს ფერების მიხედვით შეარჩიეს. სასურველი ფერის ასარჩევად მომხმარებელმა სასურველ ფოტოზე უნდა დააკლიკოს.

ამ დროის მონაცემებით 39% ცის ფერს, ხოლო 61% ლურჯს ირჩევს. თუმცა, ჯერჯერობით, არ ვიცით რამდენმა ადამიანმა მიიღო გამოკითხვაში მონაწილეობა. გამოკითხვა აჭარის ფინანსთა და ეკონომიკის სამინისტრომ ფეისბუქგვერდზე 30 წუთის წინ დაიწყო.

 

 

ბათუმში 20 ათას მაყურებელზე გათვლილ საფეხბურთო სტადიონს შპს „სტადიონი“ აშენებს.  2019 წლის იანვარში კომპანიის ოფიციალურ ფეისბუქგვერდზე გამოქვეყნდა ფოტო, რომელზეც გულშემატკივართა სკამები თეთრ, წითელ და ლურჯ ფერებში იყო გადაწყვეტილი.

ფოტოს სოციალურ ქსელში განხილვა მოჰყვა. „დინამო ბათუმის“ გულშემატკივრები წერდნენ, რომ ახალ სტადიონზე სკამები მხოლოდ ლურჯი და თეთრი ფერის უნდა იყოს და წითელი ფერი ზედმეტია. მოგვიანებით  შპს „სტადიონის“ ოფიციალური გვერდიდან ფოტო წაშალეს, თუმცა დისკუსიამ ბათუმის „დინამოს“ ოფიციალური ფანკლუბის გვერდზე გადაინაცვლა.

ამავე თემაზე:

გადაბეჭდვის წესი


ასევე: