რატომ გაუქმდა აბიტურის საათები სკოლაში



საჯარო სკოლებში აბიტურის საათები აღარ ტარდება. როგორც საქართველოს განათლების სამინისტროში „ბათუმელებს“ უთხრეს, აბიტურის საათების გაუქმება სკოლის საატესტატო გამოცდების გაუქმებას უკავშირდება.

სამინისტროში ამბობენ, რომ აბიტურის საათები იმ საგნებში ტარდებოდა, რომლებსაც საატესტატო გამოცდაზე აბარებდნენ. აბიტურის საათი საგნის მიხედვით კვირაში მხოლოდ ერთხელ იყო გათვალისწინებული და მასწავლებელს დამატებითი საათი უნაზღაურდებოდა.

თუმცა, როგორც სკოლის მოსწავლეები „ბათუმელებთან“ ამბობდნენ, აბიტურის საათები სკოლებში იშვიათად ტარდებოდა, რადგან მოსწავლეების უმეტესობა სკოლის დამთავრების შემდეგ რეპეტიტორებთან ემზადებოდნენ.

საატესტატო გამოცდების გაუქმების შემდეგ მეთორმეტეკლასელებისთვის გაკვეთილებზე დასწრება სავალდებულო გახდა და თავისუფალი დასწრება გაუქმდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com