გასულ წელს ბათუმის ბიუჯეტში სათამაშო ბიზნესიდან 36 მილიონი ლარი შევიდა


სათამაშო ბიზნესის მოსაკრებელი ბათუმის ბიუჯეტში ერთ-ერთი მზარდი, სოლიდური შემოსავლის წყაროა. 2018 წლის ბათუმის ბიუჯეტის შესრულების ანგარიშის მიხედვით, გასულ წელს ამ თანხამ ბათუმის ბიუჯეტში 36 მილიონ 174 500 ლარი შეადგინა. ანგარიში მერიამ საკრებულოს 25 აპრილს წარუდგინა.

ანგარიშის მიხედვით, ბიუჯეტში ასახული თანხიდან ყველაზე მეტი 20 მილიონ 082 600 ლარი სათამაშო აპარატებზე მოდის, სამორინეს მაგიდებიდან კი ბიუჯეტში 13 მილიონ 567 ლარი შევიდა.

2018 წლის ბიუჯეტში 2 მილიონი ლარი შეადგინა სისტემურ-ელექტრონული ფორმის თამაშებიდან მიღებულმა გადასახადმა. წამახალისებელი გათამაშებიდან 294 700 ლარი, კლუბის მაგიდიდან კი ბიუჯეტში 217 900 ათასი ლარი შევიდა.

სხვა არაკლასიფიცირებული სათამაშო ბიზნესის მოსაკრებელის სახით, გასული წლის ბათუმის ბიუჯეტში, 12 300 ლარი აისახა.

საერთო ჯამში გასული წლის ბიუჯეტი, შემოსულობების ნაწილში, ასი პროცენტით შესრულდა.

ნეტგაზეთის მასალების სხვა გამოცემებში გადაბეჭდვის წესი
ავტორი