მთავარი,სიახლეები

ბათუმის ნავსადგურში აშშ-ის სამხედრო ხომალდი შემოვიდა

21.04.2019 • 3101
ბათუმის ნავსადგურში აშშ-ის სამხედრო ხომალდი შემოვიდა

დღეს, 21 აპრილს, ბათუმის ნავსადგურში აშშ-ის სამხედრო ხომალდი Ross [DDG 71] შემოვიდა. საელჩოს ინფორმაციით, ვიზიტი ემსახურება აშშ-ისა და საქართველოს შორის თანამშრომლობის განმტკიცებას რეგიონული მშვიდობისა და სტაბილურობის ხელშეწყობით. ეს, გემის პირველი ვიზიტია საქართველოში.

USS Ross [DDG 71] არის Arleigh Burke-ს კლასის მართვადი სარაკეტო გამანადგურებელი. ხომალდს აქვს ტექნიკური მონაცემები მოიგერიოს წყალქვეშა ნავები და ბალისტიკური რაკეტები.

„USS Ross-ის ვიზიტი კიდევ ერთხელ გაუსვამს ხაზს ამერიკის შეერთებული შტატების ერთგულებას ნატოს მოკავშირეების მიმართ, პარტნიორებთან კავშირის გაძლიერებითა და რეგიონში უსაფრთხოების ხელშეწყობით“ – ნათქვამია საქართველოში აშშ-ის საელჩოს განცხადებაში.

USS Ross-ის მეთაურია კაპიტანი David Coles. ხომალდის ზომებია: სიგრძე – 154 მეტრი, სიგანე – 20 მეტრი, წყალწყვა – 9.4 მეტრი.

„შავი ზღვის რეგიონში ჩვენი მოკავშირეები ევროპაში უსაფრთხოების შენარჩუნებაში კვლავაც მნიშვნელოვან როლს ასრულებენ“ – განაცხადა ხომალდის მეთაურმა კაპიტანმა Dave Coles-მა, „ეკიპაჟი და მე მოუთმენლად ველით დინამიურ პირობებში სამხედრო თავსებადობის გაუმჯობესებას და ამ რეგიონის მდიდარი ისტორიისა და კულტურის გაცნობას.“

საელჩოს განცხადებით, ვიზიტის ფარგლებში ამერიკელი მეზღვაურები მოინახულებენ ისტორიულ ადგილებს და გააღრმავებენ პარტნიორობას ქართველ კოლეგებთან: „გამართავენ ამხანაგურ საფეხბურთო მატჩს საქართველოს სანაპირო დაცვის თანამშრომლებთან,  საკალათბურთო მატჩს ბათუმის საზღვაო აკადემიის სტუდენტებთან და შეხვდებიან ახალგაზრდებს ბათუმის ამერიკულ კუთხეში“.

„ხომალდი USS Ross წარმოადგენს ესპანეთის როტის ნაწილს და აშშ-ის მეექვსე ფლოტის ოპერაციების სამოქმედო არეალში მონაწილეობას იღებს მრავალმხრივ მისიებში, ხელს უწყობს რა რეგიონის საზღვაო უსაფრთხოების დაცვასა და ნატოს ოპერაციებისა და მისიების მხარდაჭერას შავი ზღვის რეგიონში. აშშ-ის საზღვაო ძალების ხომალდები ხშირად ოპერირებენ შავ ზღვაში მონტროს კონვენციისა და საერთაშორისო კანონების შესაბამისად“ – აღნიშნულია აშშ-ის საელჩოს განცხადებაში.

აშშ-ის სამხედრო ხომალდი Ross [DDG 71] ბათუმის ნავსადგურში / 21.04.2019 / ლელა დუმბაძის ფოტოები

აშშ-ის სამხედრო ხომალდი Ross [DDG 71] ბათუმის ნავსადგურში / 21.04.2019

აშშ-ის სამხედრო ხომალდი Ross [DDG 71] ბათუმის ნავსადგურში / 21.04.2019

გადაბეჭდვის წესი


ასევე: