მთავარი,სიახლეები

ბათუმის ხელოვნების ცენტრის შენობის ადაპტირებისთვის 386 ათასამდე ლარი დაიხარჯება

20.04.2019 • 1990
ბათუმის ხელოვნების ცენტრის შენობის ადაპტირებისთვის 386 ათასამდე ლარი დაიხარჯება

ბათუმის სახელმწიფო მუსიკალური ცენტრი შშმ პირებისთვის ხელოვნების ცენტრის შენობის სრულად ადაპტირებას გეგმავს. შესაბამის  სამშენებლო-სამონტაჟო და სარემონტო სამუშაოებს კი, ელექტრონული ტენდერით შეისყიდის. სატენდერო თანხა 386 530 ლარია. ცენტრის შენობა ბათუმში, ოდისეი დიმიტრიადის ქუჩა №1-ში მდებარეობს.

პროექტის განმარტებითი ბარათის მიხედვით, შენობის მარჯვენა და მარცხენა მხარეს მოეწყობა პლატფორმა ლიფტები ეტლით გადასაადგილებლად, ხოლო კიბის საფეხურებზე უნდა მოეწყოს კონტრასტული ფერის ანტისლიპები:

„პირველი სართულის მარშრუტი დაიკვალება ტაქტილური ბილიკებით. ამავე სართულზე უნდა შეიცვალოს საპირფარეშოს არსებული კარი ადაპტირებული კარით და მოხდეს სველი წერტილის სრულად ადაპტირება. მთავარ დარბაზში უნდა მოიხსნას სკამების ორი რიგი, სადაც შემდგომში განთავსდება სივრცე ეტლით მოსარგებლეთათვის“.

ხელოვნების ცენტრის შენობის სრულად ადაპტირება, ტენდერში გამარჯვებულთან ხელშეკრულების გაფორმებიდან 150 დღეში უნდა დასრულდეს. ტენდერში წინადადებების მიღება 2019 წლის 9 მაისს დაიწყება და 14 მაისს დასრულდება.

გადაბეჭდვის წესი


ასევე: