მთავარი,სიახლეები

როგორ აპირებს მუშაობის გაგრძელებას „აჭარა ტვ“ ოპერატორების გაფიცვის ფონზე

19.04.2019 • 1674
როგორ აპირებს მუშაობის გაგრძელებას „აჭარა ტვ“ ოპერატორების გაფიცვის ფონზე

დღეს, 19 აპრილს, აჭარის ტელევიზიის საინფორმაციო სამსახურის 13-მა ოპერატორმა გაფიცვა დაიწყო. აჭარის ტელევიზიის საინფორმაციო სამსახურის უფროსის მოადგილე, მაია მერკვილაძე ამბობს, რომ ზუსტად არ იცის, როგორ გააგრძელებენ მუშაობას და მოახერხებენ თუ ვერა საინფორმაციო გადაცემების ეთერში გაშვებას.

მაია მერკვილაძე: „ამ ეტაპზე გაფიცულია 13 ოპერატორი. ისინი საინფორმაციო სამსახურის ოპერატორები არიან. დღეს აღმოვაჩინეთ, რომ მათ შეუერთდნენ ორი ბიუროს – ხულოს და ქობულეთის ოპერატორებიც. ერთი ჯგუფი წასულია უკრაინაში არჩევნების გასაშუქებლად. ამ ეტაპზე მუშაობს მხოლოდ ორი ოპერატორი – ანალიტიკური მიმართულების ოპერატორები. ისინი ალბათ დღეს გადაიღებენ ბორდის სხდომას.

საინფორმაციო გადაცემებს არ ვიცი როგორ შევავსებთ. გვაქვს რამდენიმე თემატური მასალა, რომელსაც ალბათ გამოვიყენებთ დღეს“.

დღეს, 13:00 საათზე აჭარის ტელევიზიის სამეურვეო საბჭო ტელევიზიის დირექტორის იმპიჩმენტის საკითხს განიხილავს.

ბევრი ადგილობრივი და საერთაშორისო ორგანიზაცია აჭარის ტელევიზიის ირგვლივ განვითარებულ მოვლენებს აფასებს, როგორც რისკს სარედაქციო დამოუკიდებლობის კუთხით.

მთავარი ფოტო მაია მერკვლიაძის ფბ გვერდიდან.

 

აჭარის ტელევიზიის 13-მა ოპერატორმა დღეს გაფიცვა დაიწყო

გადაბეჭდვის წესი


ასევე: