საკვერცხის ცისტები, ძირითადად, 20-დან 44 წლამდე ასაკის ქალებში ვლინდება. რეპროდუქციულ ასაკში საკვერცხის მოცულობითი წარმონაქმნების უმეტესობა (80-85%) კეთილთვისებიანია.
[checklist]
- ფუნქციური-ფოლიკულური ცისტა, ჰორმონალური დისბალანსის გამო არ ხდება ოვულაცია. ფოლიკულური ცისტები მკურნალობის გარეშე, სპონტანურად სკდება ან უკუვითარდება რამდენიმე დღიდან რამდენიმე თვის (4-8 კვირის) ინტერვალში.
- მენსტრუალურ ციკლთან ასოცირებულ ცისტას წარმოადგენს ყვითელი სხეულის ცისტა.
- თეკა-ლუთეინური ცისტა საკვერცხის ფუნქციური ცისტებიდან ყველაზე იშვიათია და გვხვდება ორსულობასთან ერთად.
- ენდომეტრიომა-მუქი ყავისფერი შეფერილობა აქვს, იგივე „შოკოლადისებრი“ კისტა.
- საკვერცხის ცისტებს მიეკუთვნება ცისტადენომაც.
- დერმოიდული კისტა უმეტესად ცალმხრივია და შესაძლოა შეიცავდეს თმას, კბილებს, კანს, ნერვულ ქსოვილს, ცხიმოვან ქსოვილსა და სხვა მსგავს წარმონაქმნებს. დერმოიდულ კისტებს სხვაგვარად ცისტურ ტერატომებსაც უწოდებენ.
- საკვერცხეების პოლიკისტოზის სინდრომი ასევე ასოცირებულია საკვერცხის ქსოვილში მრავლობითი შედარებით მცირე ზომის ცისტების განვითარებასთან. აღნიშნული მდგომარეობა ხასიათდება ჰორმონალური დარღვევების არსებობით.
- ტუბო-ოვაირული აბსცესი-ფალოპის მილები და მათ მიმდებარედ ჩირქით სავსე კისტური წარმონაქმნები.
[/checklist]
[checklist]
- ცისტის კაფსულის გასკდომა
- კისტის სწრაფი ზრდა
- სისხლდენა ცისტის ღრუს შიგნით
- ინფექცია
- კისტის ფეხზე შემოგრეხა
[/checklist]
ქალთა დაახლოებით 16%-ში საკვერცხის ცისტები პოსტმენოპაუზურ ასაკში გამოვლინდება. ამ ასაკში განვითარებული ცისტა შესაძლებელია იყოს ავთვისებიანი.
დიაგნოსტირება ულტრაბგერითი გამოკვლევით ხდება. თუმცა სადიაგნოსტიკოდ შესაძლებელია გამოკვლევის სხვა ვიზუალური მეთოდების – კომპიუტერული ტომოგრაფიისა და მაგნიტურ-რეზონანსული ტომოგრაფიის გამოყენებაც. ასევე, ტარდება ონკომარკერების გამოკვლევა.
საკვერცხის კისტების მკურნალობა ინდივიდუალურია და მერყეობს დაკვირვება და მონიტორინგიდან – ქირურგიულ ჩარევამდე. როგორც აღვნიშნეთ, რეპროდუქციული ასაკის ქალებში კისტების უმეტესობა ფუნქციონალურია, უსიმპტომოა და მკურნალობას არ საჭიროებს. ისინი, როგორც წესი, თავისით უკუვითარდება რამდენიმე კვირიდან რამდენიმე თვის ინტერვალში.
საკვერცხის კისტის ქირურგიული გზით მოცილების დროს არჩევანი უნდა გაკეთდეს ტრადიციულ – ლაპარატომიულ და თანამედროვე – ლაპარასკოპიულ მეთოდებს შორის. არჩევანის გაკეთება ინდივიდუალურად ხდება, თუმცა კისტის ზომის (მათ შორის ზომის ცვლილების) და სახეობის, პაციენტის ასაკისა და მდგომარეობის გათვალისწინებით.
ორალური კონტრაცეპტივების გამოყენება არჩევის მეთოდია, რომელიც, ერთი მხრივ, ეფექტურია საკვერცხის კისტების როგორც პროფილაქტიკის, ასევე უკვე არსებული ცისტების უკუგანვითარების კუთხით, მეორე მხრივ კი, ხელსაყრელია რეპროდუქციული ასაკის ქალებისთვის.
[checklist]
- ჰორმონული ფონისა და ენდოკრინული სისტემის დარღვევები
- ნაადრევი მენსტრუაცია
- ანამნეზში მრავლობითი აბორტების არსებობა
- ფარისებრი ჯირკვლის დისფუნქცია
[/checklist]
მთავარ ფოტოზე: კობა ქამაშიძე, გინეკოლოგი, „ხოზრევანიძის კლინიკა“
ექიმთან ვიზიტის დაგეგმვის ან დამატებითი ინფორმაციის მისაღებად დაგვიკავშირდით ნომერზე: 0422 22 71 71
ან დაჯავშნეთ ვიზიტი ვებგვერდის საშუალებით www.khozrevanidze.ge.
სიახლეების მისაღებად მოგვყევით ფეისბუქგვერდზე:ხოზრევანიძის კლინიკა • Khozrevanidze’s Clinic
მისამართი: ბათუმი, გ.ბრწყინვალეს 81
