გორგილაძის ქუჩის ტროტუარზე რესტორანი რკინის კონსტრუქციას აშენებს



გორგილაძის ქუჩის დასაწყისში რესტორანი „ლევილის“ წინ რკინის ბოძები გაჩნდა. რესტორანში ამ ეტაპზე მშენებლობასთან დაკავშირებით კომენტარს არ აკეთებენ. რესტორნის ადმინისტრაციაში გვითხრეს, რომ განმარტების გაკეთებას მენეჯერი ორშაბათს შეძლებნს.

ბათუმის მერიაში განმარტავენ, რომ მშენებლობა რესტორანმა უნებართვოდ დაიწყო.

„ეს არის უნებართვო მშენებლობა. გუშინ დაიწყეს და გუშინვე „ლევილი“ 500 ლარით დავაჯარიმეთ. მოშალეს კონსტრუქციის ნაწილი და დანარჩენს დღეს მოხსნიან. თუ თვითონ ვერ გააკეთებენ, ჩვენი სამსახური უზრუნველყოფს ამას,“ – გვითხრა ბათუმის მერიის მუნიციპალური სერვისების სააგენტოს დირექტორმა, ჯუმბერ კობალაძემ.

ტროტუარზე ანალოგიური კონსტრუქციის მშენებლობაზე ბათუმის მერიამ ნებართვა გასულ წელს რესტორან „მიუნხენს“ მისცა ქუთაისის ქუჩაზე.

ვრცლად ამ თემაზე შეგიძლიათ იხილოთ

ბათუმში რესტორანმა „მიუნჰენმა“ ტროტუარზე რკინის კონსტრუქცია დადგა

 

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი