რეკლამა,სიახლეები

#ჩვენგადავცურავთზღვას – ფონდ „ოცნებისა“ და სკოლა ევრო-2000-ის აქცია-პერფორმანსი

01.04.2019 • 1798
#ჩვენგადავცურავთზღვას – ფონდ „ოცნებისა“ და სკოლა ევრო-2000-ის აქცია-პერფორმანსი

#ჩვენგადავცურავთზღვას – ამ სლოგანით შექმნილი იდეა პროექტად აქციეს  სკოლა ევრო-2000-ის X-XI კლასის მოსწავლეებმა და 3 დღეში განახორციელეს სკოლის თვითმმართველობისა და მისი თავმჯდომარის ლაშა-გიორგი მიქელაძის, სამოქალაქო განათლების მასწავლებლის თამარ ბაუჟაძის  და სკოლის დირექციის ჩართულობით.

პროექტის მიზანი იყო შშმ პირთა ინტეგრაცია საზოგადოებაში ცნობიერების ამაღლების გზით. ამ იდეის ირგვლივ მთელი საქართველოს მასშტაბით გაერთიანდნენ  სხვადასხვა ცნობილი ადამიანები, რომლებმაც სოლიდარობის ნიშნად მოამზადეს ვიდეოკოლაჟი სლოგანით: “ჩვენგადავცურავთზღვას”. ვიდეორგოლში წარმოდგენილნი არიან: პოლიტიკოსები, ლექტორები, სტუდენტები, ჩემპიონები, მასწავლებელთა პროფესიული განვითარების ეროვნული ცენტრის ხელმძღვანელი, საჯარო ბიბლიოთეკის და საზღვაო უნივერსიტეტის ხელმძღვანელი პირები და სხვა ბევრი ცნობილი სახე.

#ჩვენგადავცურავთზღვას

#ჩვენგადავცურავთზღვას

ვიდეოს ნახვა შესაძლებელია  ევრო-2000-ის ოფიციალურ ფეისბუქგვერდზე:

პროექტის მეორე ეტაპზე გაიმართა პერფორმანსი სკოლა 2000-ის მიმდებარე ტერიტორიაზე, რომელშიც 1200-მდე ადამიანი მონაწილეობდა. პერფორმანსით ნაჩვენები იქნა ადამიანის განვითარების ონტოგენეზის პერიოდი, დაბადებიდან ხანდაზმულობამდე. პერფორმანსის ფინალი გამოისახა მშვიდობის სიმბოლოში.

#ჩვენგადავცურავთზღვას

#ჩვენგადავცურავთზღვას

როგორც ევრო-2000-ის მოსწავლეთა თვითმმართველობის პრეზიდენტი  ლაშა-გიორგი მიქელაძე ამბობს : „პრობლემატიკის უკეთ ილუსტრირებისათვის ჩატარდა თეატრალიზებული პერფორმანსი, სადაც თვით მოსწავლეებმა მივიღეთ მონაწილეობა. ჩვენ გადმოვეცით ამბავი გოგონაზე სახელად – მარიამი, რომელიც შეზღუდული შესაძლებლობებით დაიბადა. რეალობას ის სულაც არ შეუშინებია. ყოველი დაბრკოლება მას ძალას მატებდა, გამხდარიყო სწორედ ის ადამიანი, რომლად ყოფნასაც სხვების აზრით ის ვერ შეძლებდა.

ამით გამოიკვეთა ბარიერები და საზოგადოების დამოკიდებულება შშმ პირთა მიმართ. ასევე, პროექტის ფარგლებში შეიქმნა ვიდეოკოლაჟი, რაშიც მონაწილეობა მიიღეს სხვადასხვა სფეროს წარმომადგენლებმა, მათ შორის ცნობადმა სახეებმაც. ყველა გაოცებულნი და საოცრად გახარებულნი დავრჩით, როდესაც მსგავსი თანადგომა გამოიჩინა უამრავმა ადამიანმა.“

#ჩვენგადავცურავთზღვას

#ჩვენგადავცურავთზღვას

სკოლას და ბავშვებს დახმარება გაუწია ქ. ბათუმის მერიამ და აჭარის პოლიციის დეპარტამენტის მთავარმა სამმართველომ, რომლებმაც იზრუნეს ფლეშმობის ჩატარების დროს უსაფრთხო გარემოს შექმნაზე.

უფრო მეტი აქციის შესახებ იხილეთ შედეგ ლინკზე:

Posted by სკოლა ევრო-2000 / School Euro-2000 on ოთხშაბათი, 27 მარტი, 2019

 

პროექტის განხორციელება შესაძლებელი გახდა კერძო სკოლებისათვის  ფონდ “ოცნების”  პროექტის “ტრიბუნას” ფარგლებში, რომელსაც ხელმძღვანელობს გიორგი გიოვანი. პროექტი მოიცავს შინაარსობრივად ერთმანეთთან მჭიდროდ დაკავშირებულ სამ ძირითად თემას: “ლიდერი”, “საზოგადოებასთან ურთიერთობა და კომუნიკაცია” და “საჯარო გამოსვლების ტექნიკა”.

გადაბეჭდვის წესი


ასევე: