21 პროექტი, რომლებიც ენმ-ის განცხადებით, მთავრობამ ვერ დაასრულა [ვიდეო]


დღეს, 27 მარტს, აჭარის მთავრობის სახლის წინ „ნაციონალური მოძრაობის“ წევრებმა, ასევე, მათ მიერ შექმნილმა „აჭარის ალტერნატიული მთავრობის“ წარმომადგენლებმა, აქცია გამართეს.

აქციაზე გამოფენილი იყო იმ 21 პროექტის ფოტო, რომლებიც, მათი განცხადებით, „ქართული ოცნების“ მთავრობამ დაიწყო, მაგრამ ვერ დაასრულა.

აქცია აჭარის მთავრობის სახლის წინ

აქციაზე გამოფენილია 21 ფოტო, რომელიც ორგანიზატორების განცხადებით ასახავს იმ პროექტებს, რომელიც „ქართული ოცნების“ მთავრობამ დაიწყო, მაგრამ ვერ დაასრულა.

Posted by ბათუმელები • Batumelebi.ge on ოთხშაბათი, 27 მარტი, 2019

 

„ეს ფოტოები ასახავს ბიძინა ივანიშვილის კორუფციულ პროექტებს აჭარაში. ამ პროექტებზე მთლიანობაში დახარჯულია ასი მილიონი ლარი და ყველა საქმე გადაგზავნილია პროკურატურაში შესასწავლად.

გახარჯულია ხალხის ფული, თუმცა ამ ყველაფერზე მთავრობისგან პასუხი არ არის“, – ამბობს „აჭარის ალტერნატიული მთავრობის“ წარმომადგენელი, ანრი გუბაევი.

„აჭარის ალტერნატიული მთავრობის“ აქცია ბათუმში.
ფოტო: ლელა დუმბაძის

აქცია დღის ბოლომდე გაგრძელდება მთავრობის სახლის წინ. ანრი გუბაევის თქმით, მსგავსი აქციების გამართვა ყველა სამთავრობო უწყების წინ იგეგმება.

ენმ-ის წევრები აქციაზე, მთავრობის სახლის წინ.
ფოტო: ლელა დუმბაძის

მთავარი ფოტო: აქციაზე გამოფენილია იმ 21 პროექტის ფოტო, რომლებიც, ორგანიზატორების თქმით, მთავრობამ ვერ დაასრულა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com