ეკონომიკის სამინისტროს პასუხი 3 თვის დაგვიანებით



ეკონომიკის და მდგრადი განვითარების სამინისტრომ „ბათუმელებს“ საჯარო ინფორმაცია სამი თვის დაგვიანებით გამოუგზავნა. კანონის მიხედვით, საჯარო ინფორმაციის გაცემის მაქსიმალური დრო 10 სამუშაო დღეა. „ბათუმელებმა“ მინისტრის გიორგი ქობულიას მივლინების ხარჯები სამინისტროდან 2018 წლის 18 დეკემბერს გამოითხოვა.

22 მარტს, ანუ გუშინ მიღებული საჯარო ინფორმაციის მიხედვით, გიორგი ქობულია 2018 წელს მივლინებით ყოფილა ბელგიაში, გერმანიაში, დიდ ბრიტანეთში, მოლდოვა, თურქეთში, ჩინეთსა და სინგაპურში. მინისტრის მივლინებებისთვის ჯამში 37 758 ლარი დაიხარჯა.

ყველაზე ძვირი მინისტრის მგზავრობა სინგაპურში დაჯდა – 14 668 ლარი. ამავე ქვეყანაში მინისტრმა ბიუჯეტის ხარჯზე სასტუმროში 2 983 ლარი დახარჯა, რასაც დაემატა დღიური ხარჯი – 916 ლარი და 10 თეთრი.

 

ეკონომიკის სამინისტროდან 22 მარტს გამოგზავნილი წერილი

ნეტგაზეთის მასალების სხვა გამოცემებში გადაბეჭდვის წესი
ავტორი