„ალიანს სიტი“ „მაგნოლიას” აღების საკითხის განხილვას მთავრობასთან გეგმავს



კომპანია „ალიანს სიტიში“, რომელიც გეგმავს „ლუჟკოვის სახლის“ ტერიტორიაზე ახალი კომპლექსის მშენებლობას, აცხადებენ, რომ  მთავრობისთვის „მაგნოლიას“ ნაცვლად ახალი პროექტის შეთავაზების საკითხს განიხილავენ.

ამ იდეის დეტალების გახმაურებას „ალიანს სიტი“ სამომავლოდ გეგმავს. კომპანიის წარმომადგენლები აღნიშნავენ, რომ ახალი პროექტი, რომელიც „მაგნოლიას“ ჩაანაცვლებს, შერწყმული უნდა იყოს ახალ პროექტსან [„ლუჟკოვის სახლის“ ნაცვლად რის აშენებასაც გეგმავენ] და გარემოსთან.

კომპანია „ალიანს სიტი“ ბათუმის მერიისგან იმ ადგილისთვის, სადაც „ლუჟკოვის სახლი“ დგას, ზონის სტატუსის შეცვლას და განაშენიანების კოეფიციენტების გაზრდასაც ითხოვს. „ლუჟკოვის სახლი“ „მაგნოლიას“ გვერდით მდებარეობს, შენობებს ერთმანეთისგან ქუჩა ჰყოფს.

მოთხოვნის დაკმაყოფილების შემთხვევაში, „ალიანს სიტის“ საშუალება ექნება ზღვასთან ახლოს ერთი 50 და ორი 44-სართულიანი შენობა ააშენოს. ერთადერთი, რის გაზრდასაც კომპანია არ ითხოვს, გამწვანების კოეფიციენტია. მეტიც, პროექტის განხორციელების შემთხვევაში, არსებული გამწვანების ფართობი კიდევ უფრო მცირდება.

„მაგნოლია“ თავის დროზე მაია რჩეულიშვილის კომპანია „ცენტრ პოინტმა“ ააშენა.

ამ თემაზე:

გამწვანების ფართობის შემცირება და კ2-ის გაზრდა – კომპანიის გეგმები „ლუჟკოვის სახლის“ ადგილას

მთავარი ფოტო: საცხოვრებელი სახლი „მაგნოლია“ / „ბათუმელების“ არქივიდან
ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან