„ბათუმელების“ ინფორმაციით, დღეს ბათუმში მსუბუქი ავტომობილი ცეცხლსასროლი იარაღით დაცხრილეს. დაჭრილია 30 წლამდე კაცი, რომელიც გადაყვანილია ბათუმის რეფერალურ საავადმყოფოში.
შსს ინფორმაციით, გამოძიება დაიწყო სსკ-ის 118-ე მუხლის პირველი ნაწილისა და 236-ე მუხლის მეორე ნაწილით. პირველი ითვალისწინებს ჯანმრთელობის განზრახ დაზიანებას, მეორე მუხლი კი ცეცხლსასროლი იარაღის მართლსაწინააღმდეგოდ შეძენა-შენახვას და გამოყენებას.
შსს ცნობით, ბრალდებული ამ დროისთვის დაკავებული არ არის და მიმდინარეობს მოკვლევა. „ბათუმელების“ ინფორმაციით, მომხდართან დაკავშირებით პოლიციაში შეტყობინება არ შესულა და პოლიციამ გამოძიება ნატყვიარი ავტომობილის აღმოჩენის შემდეგ დაიწყო.
შემთხვევა დღეს, 9 მარტს, დაახლოებით 15:00 საათზე, ბათუმში ფრიდონ ხალვაშის გამზირზე მოხდა.
