მთავარი,რეკლამა,სიახლეები

ფებრილური გულყრა – დაავადება ბავშვებში, რომელიც ეპილეფსიას ჰგავს, მაგრამ განკურნებადია

05.03.2019 • 4752
ფებრილური გულყრა – დაავადება ბავშვებში, რომელიც ეპილეფსიას ჰგავს, მაგრამ განკურნებადია

ფებრილური გულყრა ბავშვებს 6 თვიდან 5 წლამდე აღენიშნებათ სიცხის ფონზე. ამ დროს ბავშვი ხშირად კარგავს გონებას და აღენიშნება კიდურების კანკალი სხეულის ორივე მხარეს. იშვიათად ვითარდება შეკრთომები სხეულის მხოლოდ მარჯვენა ან მარცხენა მხარეს, შეტევის დროს ზოგჯერ ადგილი აქვს კიდურთა ტონურ დაჭიმვას, ფებრილური გულყრა გრძელდება 1-დან 15 წუთამდე.

ბავშვები, რომლებსაც ემართებათ ფებრილური გულყრა არ ითვლებიან ეპილეფსიით დაავადებულებად!

ცნობილია რამდენიმე ფაქტორი, რომელიც ზრდის ფებრილური გულყრის განვითარების შანსს:

[checklist]

  • პირველი ფებრილური გულყრა 5 თვეზე ნაკლებ ასაკში
  • ცხელების ხშირი ეპიზოდები
  • ფებრილური გულყრის არსებობა ოჯახის წევრებში
  • გულყრის განვითარება დაბალი ტემპერატურის ფონზე ან სიცხის აწევისთანავე

[/checklist]

მიუხედავად იმისა, რომ ფებრილური გულყრა ძლიერ აშინებს მშობლებს, მათი უმრავლესობა არ არის საშიში.

ფებრილური გულყრის მკურნალობის აუცილებლობას ადგენს ექიმი-ნევროლოგი. უმრავლეს შემთხვევაში ასეთ ბავშვებს საერთოდ არ სჭირდებათ მედიკამენტური მკურნალობა, მაგრამ თუ მკურნალობა მაინც ჩაითვალა მიზანშეწონილად, წამლის მიღება, ექიმის დანიშნულებით, მხოლოდ სიცხიან პერიოდში არის საუკეთესო ალტერნატივა.

თუ ბავშვს აქვს სიცხე, მშობელმა უნდა გამოიყენოს სიცხის დამწევი საშუალება, თუმცა ტემპერატურის დაწევით გულყრის განვითარების რისკი მნიშვნელოვნად არ მცირდება.

ფებრილური გულყრის დროს, მშობელმა უნდა მიაღებინოს ბავშვს ჰორიზონტალური მდგომარეობა, თავის გვერდით მდებარეობით, შეუხსნას არსებული საყელო ან მოახდინოს პირში არსებული საკვების გამოსუფთავება და შეაღოს კარი/ფანჯარა, რათა ბავშვს მიეწოდოს სუფთა ჰაერი.

ფებრილური გულყრა არ იწვევს მენტალურ დარღვევებს, ბავშვის ინტელექტი არ ზიანდება ძლიერი ფებრილური გულყრის დროსაც კი. ბავშვის გამოჯანმრთელება ხდება სრულად.

მთავარი ფოტო: ირმა ხვიჩია, ბავშვთა ნევროლოგი


ექიმთან ვიზიტის დაგეგმვის ან დამატებითი ინფორმაციის მისაღებად დაგვიკავშირდით ნომერზე: 0422 22 71 71 
ან დაჯავშნეთ ვიზიტი ვებგვერდის საშუალებით www.khozrevanidze.ge.

სიახლეების მისაღებად მოგვყევით ფეისბუქგვერდზე:ხოზრევანიძის კლინიკა • Khozrevanidze’s Clinic

მისამართი: ბათუმი, გ.ბრწყინვალეს 81

გადაბეჭდვის წესი