მირანდა გაბაიძე

ცოტა რამ გასტრიტის შესახებ – დააკვირდი საკუთარ თავს და მერე დაგეგმე ვიზიტი ექიმთან



დიდი ხნის განმავლობაში მიიჩნევდნენ, რომ გასტრიტის, კუჭისა და თორმეტგოჯა ნაწლავის წყლულოვანი დაავადების მიზეზი იყო მომატებული მჟავიანობა. აზრად არავის მოსვლია კუჭში მიკროორგანიზმები მოეძებნა, რადგანაც მჟავე გარემოში სიცოცხლისუნარიანობა არ არის. გამონაკლისს წარმოადგენს H. Pylori, რომელიც მშვენივრად ადაპტირებს ექსტრემალურ პირობებში.

ეს ბაქტერია აღმოაჩინეს 1982 წელს ავსტრიელმა მეცნიერმა V.W Arron და B. Marshall და უწოდეს H.pylori (პილორუსში მცხოვრები სპირალური ბაქტერია).

H.pylori როგორც კი მოხვდება ჩვენს ორგანიზმში, იბუდებს კუჭში – საყვარელ გარემოში. კუჭის წვენის მოქმედებით რომ არ დაიშალოს ბაქტერია, იცავს თავს – ფერმენტებისგან იკეთებს გარს და ეკედლება პარიეტალურ უჯრედსს. მას შეუძლია დაარღვიოს კუჭისა და თორმეტგოჯა ნაწლავის ამომფენი ეპითელიუმი და განავითაროს ანთებითი ცვლილებები:

  • გასტრიტი
  • ატროფიული გასტრიტი
  • ეროზია
  • კუჭისა და თორმეტგოჯა ნაწლავის წყლული
  • დუოდენოგასტრალური რეფლუქსი
  • კუჭის კიბო
  • კუჭის ლიმფომა

სიმპტომები, რომლებსაც უნდა დავაკვირდეთ:

  • გულძმარვა
  • ბოყინი
  • გულისრევის შეგრძნება
  • ღებინება
  • მუცლის შებერილობა
  • ტკივილი და დისკომფორტი ეპიგასტრიუმის არეში
  • ნაწლავის მოტორიკის დარღვევა
  • მადის ცვლილებები
  • ქრ. ობსტრუქციული ბრონქიტი
  • ბრონქული ასთმა და ა.შ.

გავრცელება:

ჰელიკობაქტერ პილორი ადვილად ვრცელდება. ინფიცირების წყაროა საკვები, ფეკალურ-ორალური და საყოფაცხოვრებო გზები. თუ ერთი ოჯახის წევრი ინფიცირებულია ჰელიკობაქტერ პილორით, 95% შემთხვევაში არის ინფიცირებული ყველა დანარჩენი. დაავადება არ ვრცელდება ჰაერწვეთოვანი გზით.

დიაგნოსტიკა:
  • H.pylori-ზე სუნთქვითი ურეაზული ტესტი
  • სისხლში H.pylori-ს განსაზღვრა
  • ბიოფსიურ მასალაში მისი აღმოჩენა

მსოფლიოს ზოგადი სტატისტიკით, წყლულოვანი დაავადება შემცირებულია, რაც, ძირითადად, ამ ბაქტერიის ლიკვიდაციის (ერადიკაციის) შედეგია.

მკურნალობა შესაძლებელია სწორი დიაგნოსტიკით, შესაბამისად, ექიმთან დროული ვიზიტით.

მირანდა გაბაიძე – გასტროენტეროლოგ-დიეტოლოგი


ექიმთან ვიზიტის დაგეგმვის ან დამატებითი ინფორმაციის მისაღებად დაგვიკავშირდით ნომერზე: 0422 22 71 71 
ან დაჯავშნეთ ვიზიტი ვებგვერდის საშუალებით www.khozrevanidze.ge.

სიახლეების მისაღებად მოგვყევით ფეისბუქგვერდზე:ხოზრევანიძის კლინიკა • Khozrevanidze’s Clinic

მისამართი: ბათუმი, გ.ბრწყინვალეს 81

ნეტგაზეთის მასალების სხვა გამოცემებში გადაბეჭდვის წესი
ავტორი